للأسف الميد كان صعب و كان يحتاج وقت بعض الاسئلة كان من مستوى متوسط و شويه مرره كان سهل و باقي الاسئله من المستوى الصعب تمنيت لو انها ساعدتنا و عطتنا بونس بسبب النقص الي صار بالدرجات لكن للأسف 😢 + فيه بنات نقصوا في المشروع اذا هذي الدكتورة بدرسكم حاولوا تحافظون على درجاتكم قدر المستطاع احيانا ممكن تساعد و احيانا لا على حسب مزاجها فكونوا حلوين معاها و شاطرين شخصيتها تتغير على حسب البنات و افعالهم 🎭

دكتورة سيئة بمعنى الكلمة. شرح سيء وتحسين بالضياع، اختبارات صعبة، ما تحترمك وتهمشك مثلا صار لي موقف انها حطت لي غياب بدون عذر (او٢ ما اتذكر) وهو انا ولا مرا غبت عن محاضرتها.جيت قلت لها بادب انه يمكن انتي بالغلط غيبتيني. عصبت وتهجمت علي بالكلام وانه كيف اقول كذا. (فالنهاية حطتو لي تأخير).

شرحها غير مفهوم بالنسبة لي ، الميد يعتبر صعب والفاينل كذلك تجربة سيئة معها بكل المقاييس

هي الدكتوره رهيبه جدا في الشرح بس لا تقلون ادبكم ولا تفتحون الجوال وهي تشرح لانها بتزعل منكم , والصدق اشوفها منصفه جدااا ومحترمه وبالمناسبه هي تبيكم تسالون وتستفسرون بادب

حسبي الله ونعم الوكيل للاسف ما حبيت اضيف درجتي عشان لا تعرف لكن انظلمت مع سوء شرحها ما يهمني تكون فاهمة وبس احتاج تكون فاهمة وتعرف توصل المعلومة

اذا نزلت لكم نصيحة لكم تغيرونها واذا ماتقدرون تغيرونها نصيحة لكم ذاكروا كل شيء ولا تعتمدون على السلايدات لان الامثلة اللي كانت تجينا في السلايدات مختلفه تماما عن اللي تجينا في الاختبار بالنسبة للشرح انا ماكنت افهم منها وماتساعد ولا تعطي بونص ان شاءالله لو يبقى لك درجة وحدة على النجاح وبالنسبة للتعامل تعاملها كويس بينك وبينها لكن في المحاضرة لا

تستمتع يوم تشوف الطالبات مفحطين واذا شافتكم عرفتوا تحلون تصعب عليكم اكثر مدري وش اقول مجزررره!!

الدكتور متعاونه واخلاق ولكن الميد كان شويه صعب لكن الفاينل كان حلو صار لي موقف وكانت جدا متعاونه واخلاق يعطيها الف عافيه

يعني مدري والله هو من الدروس و لا مني بس انا متأكدة انه و لا طالب في الدفعة جاب 100 الميد كان سم سم و النهائي يعني أخطأت عشرة أخطاء الصدق المادة صعبة بس هي الله يهديها و يسامحها صعبت الاختبارات مره حتى الكويزات و مافي بونس و شرحها يعني نص و نص انا اهوجس أغلب الوقت ، مهما ذاكرت و تعبت و راح وقتك في المذاكرة بتقابلين اختبار سم و ما تعرفين تحلين مدري ليش يعني بس ترا اذا سألتوها عن معلومة او شيء مو فاهمينه بتشرح من قلب و بس والله نصيحة حاولوا تبتعدوا عنها

الفاينل كان تعجيزي الدفعه كلها طالعه تبكي من الاختبار اسلوبها وقح بشكل تسألينها سوال تحسسك غبيه و م تفهمين م ترد ع الإيميل لو تموتين الميد كان صدمه مع اننا مذاكرين قبلها ب اسبوعين بس صدمه صيغ جديده مدري كيف الشرح صراحه تتكلم بسرعه كلمه عربي كلمه إنجليزي تدوخ احس بس يعني الشرح مش ولا بد بس اختباراتها كارثيه بشكل خسفت فيني خسوف الارض اللي يبي صحته النفسيه لاينزل عندها