اسطوره هذي الدكتوره ولله إنها مكسب لجامعه الطايف

الله يسعدها وين ماتروح يارب اخذت معها مهارات حاسب اونلاين وكانت عسل مراااا ومتعاونه وشرحها رائع الان في مقرر برمجة 2 تغيرت الشعبه عندي متأخر لها وكان احلى تغيير متعاونه ومتفهمه وعادي تسلمين العملي متأخر والفاينل العملي تافه وتقول جيبوا معكم ورقه مساعده عادي توصل المعلومه وتختصرها بشكل مفيد مرا وماتطول الله يسعدها عسسسسل مرا مستعده انزل معها اي ماده ثانيه ان شاء الله

مافي مثلها. متفهمه جدًا وحبوبه وشرحها اكثر من رائع ودائمًا تتأكد ان الكل فهم وعادي تعيد مره ومرتين الين نفهم. وتعطي الكل فرصة للاجابة. ماتتعبنا في كثرة الواجبات او في اي شي بشكل عام. و في الاختبارات تسمح تجيبين ملاحظاتك بس تشرط عليك انها تكون بخط اليد مو بالجوال او اي جهاز. اختباراتها جدًا سهلة. كلاساتها ما تطول. الله يسعدها دائمًا وابدًا ❤️

والله هالدكتوره تنحب اسلوب ومتعاونه وكانت اي محاضره مانقدر نحضر لها تخليها اونلاين او اذا ماقدرتي تحضرين بيوم محاضرتك عادي تخليك تحضرين بمحاضرات الشعب الثانيه اختبرتنا ميد عملي حرام نسميه اختبار خلتنا ندخل معنا ورق يساعدنا الله يسعدها سعادة الدارين

الدكتورة ذي عسسل بشكل كلاساتها خفيفة مو معقده، تتفهمك ، دمها عسل ، وبشوشه كنا نطبق بالكلاس ونوريها واللي ما تلحق توريها تسلمه اونلاين عادي تفك لي التسليم الف مره لما تسلمين وتاخذين الدرجة كامله لو شفتها بجدول بختارها مره ومرتين وعشر

شرحها راائع وهاديه مو من النوع الي تحمس وتقوم الطالبات بس تفهمون معها انسانه راقيه جدًا وتعاملها رسمي بس تتفهم وتعاون بالتطبيق تسالك وتشوف انتي فاهمه او لا وحتى لما قلت لها ماعرفت اعطتني وقت اراجع الكود وافكر بالاجابه

من أفضل الدكاترة والله إني تمنيت إنها هي اللي تشرح النظري على طريقة شرحها للمعلومة وأسلوبها إنسانة راقية إذا شفت أسمها ما أتردد إني اخذ عندها

تجنن تجنن تجنن لطيفة بشكل وحتى يوم تتكلمين معاها كذا كيوت مره ومتعاونه قلنا لها عندنا اختبار وأجلت المعمل ورسلت لنا اونلاين عشان نشوف الشرح وتغهم الطالبه ان ترا عندها مواد ثانيه وان يمكن تمر بضغوطات فتفهم مرههه الشرح صراحه كنت ما اعتمد على الجامعه في البرمجه لازم اشوف بنفسي ما ابي اقيم بس كانت كويسه مو سيئه بالشرح لا كنت اشوف الشرح وارجع البيت واكمل على المعلومات بس مو الشرح اللي واو لا عادي وبس تجنن تجنن تجنن ويي كيوت مره

أقدرها كثير لأنها كانت تسمح نحضر مع شعبة عملي غير الي مسجلين فيها، هالشي ساعدني وحفظ وقتي بترم كان صعب وضغط، أتمنى لها تجرب شعور التيسير هذا نفس ما كانت تعطيه

الصدق تعطيك حقك بالمعمل يعني ما تطلعين إلا وأنتي مسويه شغلك ما تساعدك تبيك تطبقين وتسألك كيف سويتي وليه جاء عاديه جدًا تجربتي معها اقل من المدح المبالغ فيه مره استقعدت لي توترت منها واخذت صفر ورصدته بالبلاك الين ما طبقت وبعدين مدري عدلت لي أو لا لان الدرجه ما تغيرت