صراحه دكتور عاادي جدا يفرق عن البقيه في الاسلوب تساله يجاوبك في الميد زبطنا في الاسئله واجبات ما يدقق فيها سهله الاختبارات افضل شي انه متساهل في التصحيح مرره حقاني مافيه بونس يدوب يكمل القريد في المجمل دكتور كويس ما ينشال همه

شرح الدكتور عادي بس يحب يشطح كثير لاكن مرات الشطحات حقته تساعد على الفهم بس عادتا تكون شطحه بعيده عن موضوع الدرس ٠ بالنسبه للواجبات كان فيه حول السبع واجبات بخط اليد ، والمشروع ما اعطانا خبر عنه وانزنقنا في الوقت قام اعطانا أياه في الاجازه وكانت مدت التسليم ضيقه ، الكوزات كانت عن بعد وجيده ، المد كان مقبول وسهل إلى حدا ما بس الكارثه في الفاينل جاب فاينل جدا صعب٠ +الدكتور بداية الترم قال بيسوي لنا سلايدات بس حصل بينه وبين شطر الطالبات مشكله وقرر يدرسنا من الكتاب علما ان البنات عنده سلايدات.

اول شي الدكتور شرحه خايس ثاني شي مافي سلايدات نذاكر من كتاب 300 صفحة كلها حشي ثالث شي الفاينل صعب صعوبة خارقة رابع شي الدكتور مصعب الفاينل عشان مشاكل بينه وبين شطر البنات (؟؟؟) قام صعب الفاينل علينا نحنا (؟؟؟؟) دكتور سيء

اولا الماده هذي جديده واول مره تدرس والمفروض ناخذها بمستويات متقدمه مو وقت احنا مستجدين (ع كلام الدكتور) ثانيا وعدنا الدكتور انه بيتساهل معنا بحكم ان الماده جديده وقالنا انه بيسوي شباتر ع اساس مانذاكر الكتاب لكن للاسف ماسواها وبالرغم من ان شطر البنات عندهم شباتر واحنا لا ثالثا الدرجات يعطيك حقك الواجبات تكتبها بخط اليد الكويزات كانت عن بعد والميد كان متوسط الصعوبه رابعا الفاينل كان صدمه الصراحه يجيب بين السطور واختبار صعب وحاط سؤال سيناريو عليه 13 درجه اول مره اختبر زي كذا للاسف وعدنا لكن💔

سيء بمعنى الكلمة ..

يوهمك انه بيتساعد بخصوص ان الماده جديده وانه طيب لكن كذاب والميد اسوء ميد وفاينله من اصعب الفاينلات غدر فينا باختصار وشرحه سيى

شرحه مميز ومختصر بس ركز على الاشياء الي يقولك حددو عليها لان الاختبار ما يطلع منها ويساعد

يعطيك حقك اللي جبته وبيقولك فيه بونس على كويز ومابيعطيك اياه اذا درجتك عاليه محاضراتها طويله وشطحاته كثيره وذا شي سلبي وبنفس الوقت إيجابي لان البعض ممكن يستفيدون من الشطحه متعاون نوعاً ما اذا باقي لك اقل من 10 درجات على النجاح يدفك

مو على السب الي عليه بغيت احذف المادة بس طلع دكتور كويس للامانه مع اني ماني دافور

اخذت عنده عملي هياكل كان يبغى يخلص المنهج بسرعه بس شرحه سيء يشغل مقطع من اليتيوب متعدي النظري بمحاضرتين وهذا شيء سيء على الطالب