محاضراتها مختصره عادي تطلعكم بنص الوقت غالبا ماتداوم خصوصا اخر الاسابيع ماتشوفونها اختباراتها عاديه اغلبها من نماذجها التقرير تمشي على المطلوب ماتددددددف نهائيا

الدكتوره اسئلتها مو صعبه عاديه وتصحيحها يجنن بالتقرير ماتدقق ابد وبالنسبه للمقالي تحاول تمشي فيه والباقي حقك احسن مافيها ماتاخذ الوقت كله وتعتذر اوقات

شرح ممل تصحيح دقيق اختبارات متوسطه الصعوبه ( كانت منسقه نسق ) تعطيك على قد حلك فقط واذا بتدف تدف كم بنت على مزاجها دفت صاحبتي قريد وانا لا 😃 ما انصح - فيه الافضل منها

افضل شي لدار وتسويق واتصالات هي تدف بالتقرير اغلب الدكتورات يدققون بالتقرير لكن هي تدف شرحها حلو وماتاخذ وقت المحاضره كله + تختم بدري

هي منسقة تسويق المادة خرابيط بس اختباراته اعمق من شرحه تجيب امثله ماتشرحهن وتقول ركزوا مع شرحي كمنسقه ميداته سيئه فاينله زين ، غير متعاونه ابد كنت حاطه اجابتين قراب من بعض رغم ان اغلب دكتورات الادارة يمشون الا انه هي قالت احذفي وحده وحذفت الصح وقلتله لأن كان بيني وبين قريد هذي الدرجة وقالت بمشيه ولا مشت 🛑🛑🛑 تصحيحه بالتقرير ممتااز، اذا يهمك تصحيح التقرير هي الافضل منصفه مره شرحه حلو واسلوبه محترم

الدكتوره صراحه لطيفه وكانت المنسقه للتسويق اشوف اسالتها سهله خصوصا انها اغلبها تجميعات من قبل وبالتقرير الاغلب ياخذ كامل بس امشي على هي وش تبي اما بالنسبه للتصحيح فهي شوي دقيقه خصوصا بالمصطلحات تبغها نفس الي بالكتاب عموما لو أصادفها مستقبلا اخذها كويسه

يا بنات هالدكتوره عسل مدري ليه محد يعطيها حقها بالمدح طيوبه وهاديه ومحترمه واسالتها سهله الى متوسطه ودفتنا دف مو طبيعي تعطي بونص كثيرررر بالاخير وقت التقدير ف اللي يجيب العيد بالميدات لا يشيل هم لانها بتدفه دفه مو متوقعها بالنهايه 🥺

شرح وتنسيق وكل شيء حلو بس دكتوره الله يسعدك انتي وين تختفين؟ مستحيل القاك بغير محاضرتنا المكتب دايم مقفل والباركود حق الساعات مايشتغل بس كلمه حق تشرح لك المعلومه بطريقه ترسخ ببالك وتغرقك درجات لين الليل والتقرير وش ما كان بتاخذين 10 عسللللللللللللل واذا خلصت المنهج ماتقول تعالوا زي بعض الدكاتره خفيفه لطيفه جميله انيقه كريمه بالدرجات لكن مستحيل تحصلينه بمكتبه لو تبينه اقيمه 9/10 ❤️🤙🏼

دكتورتي هند والمنسقه للترم هذا شكرًا على الاختبارات الله يسهل عليك زي ما سهلتي علينا وشكرًا على الشرح وحسن تعاملك وتعاونك معنا خلال الترم 🤍 ،، اخذت معها والحكي مو كل هذا ! بس صارت احسن دكتورة عندي تستاهل اكثر 🤍

حلوة مره مدري ليش يقولون انها شديده بالتصحيح او صعبه اختباراتها بالعكس عادله جدا + شرحها مختصر وجميل توصل المعلومه بدون تمطيط وسوالف