الله يسعده ويجزاه الجنه تدف دف مب طبيعي وكويزاتها موووووياااااا ❤️❤️❤️❤️❤️❤️

بنسبه لي شرحه يدخل بالمخ تعطي حقك بدرجه متعاونه مررره

‏ شرح جميل تعطي أمثلة كثيرة لكن اختباراتها مرة تكون سهلة ومره تكون صعبة مزاجية لكن إذا أحتاجتها في المكتب تكون موجودة دايم وتشرح لي كل شي حتى إذا نقصت كانت تقول لي معليش درجتك مرة حلوة كانت تواسيني وشي مهم (((((( ما تحط غياب )))))) احلا شي فيها

الدكتوره نفسيه شوي واختباراتها فيها شوي صعوبه وتعطيك حقك ماتدف يعني إذا تبين قريد عالي مب افضل خيار الصراحه

شرحها ممل جدًا تعيد وتزيد بنفس الكلام بس الحلو ان المعلومة ثبت بمخك من كثر التكرار، كويزاتها مب سهله بس مقدور عليها، تصحيحها حلو وتدف، مستحيل تعتذر مهما كانت الاسباب

الماده صعبه ما اختلفنا لكن هي جدًا مصعبته علينا وكويزاته غريبه ماتحدد الجزئية كويس ولازم نترجاه تعلمنا + دايم تجيب اشياء من خارج الجزئية وننكب التصحيح عادي تعطيك حقك ما اكرر التجربه محاضرته ثقيله على القلب

الصراحه اشوفه خيار حلو شرحه بطيء والمحاضره ممله الصدق ومن ناحيه التصحيح تعطي على حقك ومرات تزود او تدف غالبا بالفاينل تدف والغياب مرات تحسب ومرات لا اذا شافت كثير غياب تحسب واذا نزلت الغياب تحذفه بعد اسبوع وماتعتذر ابدا عن المحاضره وتاخذ المحاضره كلها ومن ناحيه الكويز اشوف كويزاته من متوسط الى صعب مشكلتها تشوفنا مدلعين عشان معنا ورقه القوانين لان كل م قلت شي قالت ورقه القوانين لكن بالنهايه اشوفه خيار كويس انا كنت اخذ معه لانه تناسب جدولي ومهمم تراجعون اوراقكم بعد التصحيح لان كم مره تصحح لي خطا

الصراحة الدكتوره ماتعتبر سيئه ولا تعتبر كويسة بالوسط يعني محاضراتها تاخذها من اول دقيقه ليين اخر الوقت وتمط الشرح وتاخذ محاضرات الى اخر الترم بس اذا انتي تدرسين مع نفسك وكذا عادي ماتعتبر سيئه والتصحيح تعطي على حقك بالضبط

نكون صريحين شوي ، الدكتوره شرح لا يعلى عليه تبارك الرحمن لو تركزين معه تفهمين ولا تحتاجين مرجع ثاني تفهمك وتعيد صح بس هذا لمصلحتك وتفهمين وتقعد المعلومه بمخك + وكوبزاته صراحه حلوه للي مذاكر راح يحل صعب للي ما ذاكر

الصراحه كرهت الاحصاء بسبب هذي الدكتوره مره شديده و لو تحاولين تسألينها لازم تعصب وماتشيل الغياب بعذر الا بالموت لازم تكلمينها والمشكله تعصب وهذا حق من حقوق الطالب تشيل الغياب. وغير كذا كبيره بالعمر عقليتها ماتناسب عقلية الطالب ياليت بمواد الاحصاء يجددون دكتورات سعوديات