مره عسل وقدوتي بالحياة إنسانه مثقفه ومتعاونه ومجتهدة بشغلة دايم شرحها واضح وملم وأفضل شرح مر علي بمسيرتي الجامعية ممكن تكون شديده بس لمصلحتنا بالنسبه لي القريد معه مو مهم اهم شي الي استفدته منه وكلما صار عندي مشكلة او استفسار الجأ لها وتقدم لي بكل عطاء وحاطة مواعيد واضحه نقدر نحجز منها بالإيميل بدال لا نتقروش وننتظر الوقت المناسب لا مع دكتورة اروى كل شي واضح واحترافي وعادي تحجزين موعد بس عشان تستشرينه بشي تمرين فيه وتعطيك افضل النصائح دكتوره عظيمه جدا الله يوفقها يارب ويزيدها من فضله

الدكتورة سيئة من ناحية التعامل وتحطك غياب اذا تأخرت ب ٥د نظامها سيء جدًا لكن حسبي الله ونعم الوكيل

القلب والروح أروى الله يسعدها ويوفقها افضل استاذة ممكن تمر علينا بتخصص الانجليزي مخلصة جدًا للطالبات وتشرح من قلب ومتعاونه بأدق التفاصيل اختباراتها واضحة وشرحها رائع

شديدة جدًا جدًا بالتصحيح واختبارات صعبة اسئله تركي

الصراحه وبكل امانه انه تجتهد وتبسط المعلومات تخليك تتدربين وتفهمك ودايم واضحه و تعطيك حقك انا تمتعني كلاساته تحاول تساعد قد ماتقدر انه توصل المعلومه وانتي وجهدك وفهمك بالماده

ty ty ty الدكتوره من النوع اللي تكون حريصه عليك وتطلعك فاهمه المقرر صح وتكونين راضيه نهاية الترم على درجتك. الدكتوره لطيفه جدا ولا تستاهل النقد اللي يجيها وبالنسبه للدرجات تعطيك حقك بالضبط

الدكتوره جدا جدا سيئه تحسب كل شيء تحدي وتعاملنا كاننا عارفين كل شيء حنا جايين ندرس الماده ترا تونا ليش الشده كذا مو طبيعيه حسبي الله بس مستحيل تمشين عندها كل الوقت توتر وما تقدرين تتعلمين شيء اصلا من الجو المتوتر بالمحاضره ولازم تحجزين موعد معها اذا تبين تكلمينها!!! الدكتورات هنا عشان يساعدونا ويعلمونا وهي تحطمنا وتخلينا مانقدر نتعلم شيء مره سلبيه وتصعب كل شيء المشكله ان الماده مقدمه للترجمه مهمه نطلع منها فاهمين بس نطلع مع عقد نفسيه كل شيء معقد عندها واي شيء تعصب عليه انانيه ماهمها الا نفسها

لطيفة لكن شدييدة، نظامها واضح، تعطيك وصف المقرر بداية الترم ومحاضراتها عبارة عن نقاش ما تشرح من الكتاب، ولا تعتمد على السلايدز، المعلومات الزايدة الي تقوله بالمحاضرة لازم تكتبينها لانها تجيبها بالاختبارات، ودايم تقول 20% من المعلومات المهمة خارج الكتاب وتجي بالاختبارات.. اذا تأخرتي تأخيرين فوق ربع ساعة تحسب لك غياب، سريعة بالشرح وشرحها خيال مره، تدربك كويس مره وتعطيك ملاحظات على ابسط شيء، مستحيل تحطمك على ترجمتك وبابتسامة بتعدل لك اغلاطك وتعطيك نصائح، ماتظلم بالدرجات وتعطيك حقك بالضبط.

طول الوقت ماتفهمين هي وش تبي لان السلايدات مختصرة جداً لانها تبينا نرجع للكتاب وندور اجوبة اسئلة السلايدات منه! تحسين انك ضايعة معها وتطلعين وانتي مو فاهمة المادة هذي وش تبي اصلاً! لو كان فيه غيرها كان اخذت معها بس للاسف كنت متحمسه للادبية بس طريقتها فيها كانت غريبة وغير مفهومة وكنت انتظر شي له دخل بالادب لكن كل شي كان عن القصص المصورة وكرتون؟ مو نفس ماتوقعت فقدت الشغف بالترجمة وكرهتها لانها معطتها وضعية الصعوبة والتعقيد تطلعين من موادها وانتي متعقدة من الترجمة كلها بكبرها

اعيش بتوتر من مادة اساسها لتخصصي والسبب منها نظامها بالتدريس غريب ولا تساعد وغير متواجدة ولا تعطي بونس حتى شرحها ما ينفهم بسرعة وتنقيص بالدرجات غريب بشكل لا يصدق ما جبت معاها كامل ابدا