الدكتوره شديده ولا تصحح زين ولا تساعد جدا سيئه وتشخصن مع الطالبات بدون سبب مره سيئه

ماتعرف تشرح ولا تكتب أسئلة ولا عندها أسلوب

محاضرتها ممله ولكن مو بسببها لان المادة نفسها ثقيلة ودسمة وتحتاج شخص يحب الأدب والقصص عشان يستمتع فيها والدكتورة ماقصرت تحاول قد ماتقدر توصلنا المعلومه محاضرتها مُرعبه لدرجة اذا خلصت تحسين انك ترجعين للحياة الاختبارات كلها من اللي نكتب معها وقت المحاضرة لذلك يبيلها حفظ اكثر من فهم بس نفسها بالضبط وتصحيح الميد تعلمك اخطائك لو بفاصله وصراحه هالشي ساعدني بكتابتي جدًا هددتنا كثير بالدرجات بس بالنهاية رفعتنا الله يسعدها ويذكرها بالخير

افضل دكتورة مرت علي بالجامعة فاهمة مره بمجالها ممتع شرحها وواضح تحرص تطلعك متعلمة وفاهمة تحببك بالماده وسهل التواصل معها ومتفهمه لطالبات صح مرات تشد على الطالبات لكن لمصلحتهم تعود على الكتابة والقواعد الصحيحة وتستفيدون مره من ملاحظاتها تحرص انك فاهمة وتعلمتي اكثر من الدرجات

والله عسل الله يجزاها خير والمحاضره بالعكس ماعمرها سولفت فيها، كله متعلق بالقصص الأدبيه تشرح وتفصل بشكل مفصّل جداً وحريصه ان الكل يكون حاضر بالاً معها لدرجة ما احتجت ادرس للفاينل والله لان كل شي وضحته بشرحها. صراحه اثناء المحاضره الجو يوتر بس رائعه بشكل عام 🙏🏻 وتراها ماتركز على جمال خطك كثر ما انه واضح ومستوى كتابتك جيد. ماتحب الي كتابتها فيها اخطاء بالأزمنه والقرامر. ف اذا مستواك كتابياً جيد وتركز معها بتعدي معها ب A+ أو A بالراحه

يعني ما ادري وش اقول .. ممكن اسوء دكتورة مرت علي تستقعد لكل شيء تحب تفشل البنات دايم ما ادري وش مشكلتها ! التصحيح عادي جدًا تنقصك عشان خطك ما عجبها محاضرتها هم على قلوبنا و نزمل لها