Taqeem: بنود التقييم : التحضير : التحضير بداية كل كلاس ويحاسب على التأخير والغياب، ويتساهل عن التأخير في معظم الأحيان بشرط أنه ما تتكرر منك، وفي نهاية الترم يحذف غياب وتأخير عن كل طالب، بالإضافة إلى أنه يعطي الطالب الي ما يغيب ولا يتأخر بونص غالبا 1% وممكن تزيد إذا كان الطالب مضبط وضعه معاه. طريقة الشرح :شرح الدكتور يعتبر عادي يقرأ من السلايدات ويشرح الأمثلة بالكلام، وإذا فيه شيء مو واضح يكتب على السبورة ويوضح المثال. الكويزات : أخذت عنده 205&315 نظامه في الكويزات تأخذ كويز على كل شبترين مع بعض (الشباتر الي مترابطة مع بعض) والكويزات غالبا تكون من أسئلة الكتاب ومستواها سهل إلى متوسط، المشكلة أنه من النوع الي ما يعطي كويزات كثير إذا أخذت 4 كويزات في الترم يعتبر كويس، وما أذكر أنه يحذف أسوء كويز المياجر: كومون، والتصحيح يعتبر حقاني. الفاينلات : كومون القريد النهائي: بالنسبة لي A+ ولو فيه مادة ثالثة أقدر أخذها معاه بأخذها إن شاء الله. الصوت: واضح وممتاز إضافات : الدكتور أخلاقه جدا عالية ومحترم ومتعاون مع الطلاب ويرد على الايميل وكمان في مكتبه يكون متعاون مع الطالب في أي مشكلة عنده حتى لو كانت مادة ثانيه، وأيضا الدكتور من خريجين الجامعة وباقي شباب عشان كذا يكون قريب من الطلاب ودائما يتكلم معاهم عن مشاكلهم، بالنسبة للبونص غير بونص الغياب فيه بونص نهاية الترم إذا كل الطلاب عبوا التقييم يعطيهم بونص كويز والكل يأخذ فيه فل مارك بدون ما يختبرهم.