الله يسعدها وين م كانت من افضل الدكاتره في الجامعه تراعي الظروف وتتفهم مره عسل الله يوفقها😔

الله يسعدها وين ما راحت راعت ظروفي وانا بأصعب الاوقات طلعت من الاختبار خايفه لاني ماحليت كويس وانصدمت بالقريد ياحلوووها وبس

الله يسعدها حرفياً يكفي الاسلوب ذرابه بالتعامل الله يسعدها وويسر امورها يارب، توصل لك المعلومه وتجيب مقالي وتراعي بتصحيح المقالي، المشكله الوحيده ان المعلومات كثير اللي نذاكرها والتواريخ والاسماء وبالنسبه لي اخذها كماده حره فصدق عانيت اذاكر بدقه وتحتاج وقت

من افضل الدكاترة الي مرو علي اخلاق عالية و صدق و انسانة عند كلمتها و فعلا معطيه المادة حقها و همها نستفيد صح المحاضرة شوي مملة لانها مب تخصصي بس الدكتورة محترمة و راقية و ذوق ، ربي يسعدها دنيا و اخره🩷🩷🩷🩷

كامله والكامل الله الله يسعدها يارب متعاونه وتفتح النفس وكلشي تاخذه بصدر رحب الله يسعدها ويوفقها

اذا دخلت علينا الصباح وهي مبتسمه و تصبح و تسأل عن حالنا المود عندي يتغير و اصير سعيدة تلقائي الدكتورة فيها ايجابية عالية و محاضراتها تججنن تشرح ولكن مو كل شيء من الكتاب تربط لنا امثله من حياتنا اليوميه والاحداث رهيبه رغم صعوبة المادة دسمة بس قدرنا نفهم الفرق في الاعلام السعودي زمان والان اعطنا صور و مقاطع لبعض المدن قبل توحيد المملكة و عرضت لنا مدينتها جازان و القلعة العثمانية شاطرة الدكتوره ماتحدد بس وقت المحاضره تقول يمكن هذا يجيكم صح وخطأ يمكن يجي اختاري يعني تعطيك بنك اسئلة وقت المحاضرة

اقسم بالله افضل دكتورة بالامام كلها تمشي ومتعاونه وتحدد الله يسعدها وين ماتروح يارب

مريحه مريحه مررره محاضره خفيفه اسلوب عسل متعاونه ماتتطلب الا تكليف جماعي واحد وسهل بعد تدف كثير بس الماده سواليفها كثير بس والله دامها مع ديما مارح تتعبون

هذي الدكتوره الي تدعون لها وتنزلون وانتم مغمضين من ناحيه ميدات كان سهل على قد المذاكره باختصار وتحدد المهم بخصوص الفاينل جابت بين السطور بس الاسهل تعتبر اجتهدو بالماده لانها دسمه والدرجات المشاركة والحضور متعاونه جدًا الله يسعدها ويوفقها

حسنة الامام هي! يارب الكل يصير مثلها ياليت لو فيه منها اثنين كانت القريدات بخير .. برجع اخذ ماده عندها مره ومرتين وياليت كل المواد عندها🤍🤍🤍لا تشيلون هم درجاتكم تراها بيد شخص يخاف الله