صراحه لا تعليق تجيب مقالي من اسوء من الاسأله اشرحي النقطه الكذا والنقطه هذي تكون فرعية او حاجه ما تتوقعينها ابدًا او عددي 4 فقرات مع شرح لكل وحده !! ومرات تكتب السؤال بصيغه غلط وتقول انتى المفترض تعرفون تراكم بنات جامعه مو ثانوي !!!!

الام الروحيه للصحافه الله يوفقها يارب ويسعدها ويفتح بوجهها

من دخلت الجامعة وهي تدرسني انسانه عظيمة نزل لك اسمها؟ تراك محظوظة توصل لك المعلومات وتعطيك حقك حتى اسلوبها محترم مستحيل بالمحاضرة تطفشين توسع صدرك بالمعلومات حتى لو كنتي كارهه تخصصك تراها بتحببك فيه بطريقة مباشرة وغير مباشرة وياحظك لو عرفتك وعرفت اسمك بتنبسطين عليها ازين مافي الامام هو وجود الدكتورة نوف الصاعدي

استاذة نوف الصاعدي ❤️ درست عندها ٤ مقررات بمستوياتي الاولى والحين انا خريجة وادرس عندها للمرة الخامسة.. توصل لك المعلومة حتى لو عقلك طاير، بتستوعبين المنهج بسبب حرصها واسلوبها ومحاضرتها الممتعة.. يهمها مره الحضور والانضباط وتنقص عليه وتعطيك القريد الي تستحقينه، انسانه رائعة جدًا و بس

مافيه مثلها عسل عسل بالبداية كنت بحذف المادة بسبب كلام بنات وكيف اختبارتها صعبه ولكن جدا معقوله اختبارتها وسهله لو كنتي مذاكره خاصه ان نظريات دسم ومره تساعد في تكاليف ومحاضره ماتاخذ كل الوقت وشرحها مافيه مثله توصلك معلومه بأبسط طريقه صح منهج كثير وماتحذف بس عادي يهون عندها لاتخافون لو شفتو كلام سلبي عنها بالعكس مره عسل وتساعد وتجاوب

اتا خريجة هذا الترم، ومن دخلت الجامعة ماقد شدتني محاضرة ولا مقرر ولا شرح باستثناء الاستاذة نوف الصاعدي تشرح بحب وتفاني ورغبة قوية في زرع الي هي تعلمته فينا، أنسانة معطاءة بشكل واضح ويرغبك في انك تتعلم وتركز وتحب تستمر انا تحسفت اني ماقد. اخذت مادة عندها الا بس هذي الله يوفقها وييسر امرها اي احد تنزل له مادة وتكون هي الي تدرسه فيها يتطمن انه بيتلقى صح، وبيثمر فيه، وبيلقاه بالأخير شكرًا جدًا

خيال وبس مافيه كلمه تعطيها حقها

الدكتوره متعاونه بكل ماتعنيه الكلمه الله يجزاها الجنه واختباراتها على قد مذاكرتك يعني فيها صعوبه لكن تتعاون معك وفي اعمال السنه متعاونه بعد الله يجزاها خير

الله يا نوف وش اقول وش اخلي مستعده تدرسني كل ترم ممتعه متعاونه مرررنه جدا عسوله كل شي تهبل تهبل اختباراتها سهله للي يذاكر اذا مذاكره اضمن لك A+ والفاينل يعتبر حلو

اول مرة ادرس عندها ابداعععع من الاخر منظمة ومتفهمة وعارفة وش لها وش عليها واختباراتها شوي صعبة يمكن لان المادة دسمه ومشاريعها حلوه وسهلة وتحب المشاركة وشرحها مفهوم ومختصر وتوصل لك المعلومة بسرعه وتساعدك كثير مره احبها واتمنى تدرسني مره ثانية ❤️