هيا الصراحة اسلوبها ماش بس كشرح ممتازه مرا واسئلتها سهله واصلاً ماتغير عن اسئلة الاعوام الماضيه والاهم عندكم كطالبات الشرح والاسئله وكلها تمام

اخذت معاها مقدمه فالتفاضل والتكامل والميد والكويزات كانو مويه بس النهائي موحد كان مو كويس تعاملها كانها ابله بس انها فالنهايه طلعت طيبه

الدكتوره مو قد المدح ماعجبتني تشرح نص الدرس والنص الباقي ترسل تسجيل ذا الشي سبب ضياع لنا خصوصاً الترم قصير ومايمدي نرجع للتجسيلات تعطي بونس بس تصحيحها مره دقيقققققق

الدكتورة بداية الترم كانت تخوفني لكنها متعاونة شوي واشوفها مزاجية , اختبرنا كويزين وكانت تحط فيهم سؤال بونس درجة في كل كويز وهي كانت المنسقة فكان الميد والفاينل جيدين مو صعب ولا سهل مرة, تسوي مراجعة وتحذف البروفز الي طويلة وصعبة واعطتنا بونس من 5 درجات وكنا نسلم لها واجبات ورقية "الواجبات هي البونس" واول الترم قالت لنا انها تحب المشاركة وعليها درجات وبونس بعدين اكتفت بالواجبات الورقية

صراحة من أطيب الدكاترة حرفيا وتراعي جددا وسوت لنا مراجعة قبل الفاينل وركزت على وش بيجيبون صح وخطأ وساعدت كثيرر حتى البونس تعطي بونسات وتفهمك بالرغم من ان المادة دسمة

من اطيب الدكاتره دايم تراعي الظروف سواء قلتم لها او حست من نفسها الله يرزقها الجنه ويسعد قلبها ماتوقعت اعدي الماده بس الحمدلله😢 ببداية الترم كانت شديده بس لما تشوفون تصحيحها واهتمامها بدرجاتكم بتعرفون انه كله لمصلحتكم، الواجبات كثيره بس ماتدقق لو كنتم تشاركون ومتفاعلين على السبورة، الميد كان كله مقالي اما الفاينل كان متنوع (اختياري+ مقالي+ تصحيح للخطأ) عمومًا الماده صعبه وتحتاج اجتهاد وحفظ منكم وما تحدد بس تراجع (ماتخرج عن المذكرة) الكويزات سهله وتعطي بونس اصلًا الله ييسر لها زي مايسرت لنا❤️

المادة غثيثه مرة مرة بس الله يسعدها سهلتها مرة وبكل كويز تحط لنا بونس من ٤ الى درجتين الله يسعدها عسل مرة بس الفاينل كان ماش وماكان منها كان من المنسقه

ماتعرف تشرح ، تعطي بونس ، تساعد كثير

كويزاتها حللللوه وسهله وواضحه واذا سألتوها عن سؤال تشرح شرحها للماده كان وسط بعض الاحيان تقوم بالاسماء الي ماقد حلو معاها او مشاركاتهم قليله وتساعدكم بالحل والمشاركه عليها درجات وافضل جواب عليه بونس بعض الاحيان تعطي مسأله والمجموعه الي تحلها صح تعطيهم درجة اعتقد او بونس نسيت ع العموم ممممره عسل وطيبه واذا طلبتو منها تأجل المحاضره تأجلها