الدكتور اسطوووري بما تعنيه الكلمه مايدقق بالتصحيح ممتاز تعاون غياب يعذرك كلشي الشرح لك عليه شوي لانه يشرح انقليزي لكن الدكتور يحاول يفهمك يحاول يكون معاك اتركو التعليقات والله الدكتور متعاون ومتفهم

صراحه الدكتور ما كان يشرح لنا نظامه مقاطع عشان كذا ما حطيت ٥٠ في الشرح وأيضاً الدكتور ممكن ينقصك على اشياء هو نسي انه ينبهك عليها ما اقول بالقصد لكن ينسى عشان كذا ركز معاه دايم وهو اصلاً ما ياخذ الا نص ساعه من المحاضرة او ساعه ركز في اللي يطلبه ونفذه، وفي نقطه سلبيه جداً انه عشوائي في التصحيح بشكل غير طبيعي لدرجة انه ممكن يعطي درجة لشخص ما رفع له الواجب في الموقع والشخص اللي اجتهد ونفذ الواجب ياخذ اقل من اللي ما ارسل وبس.

والله دكتور متعون جدًا و يسير انصح فيه. نظام المحاضرات يشرح سلايدات و يفتح مقاطع شرح -مرات يكثر من مقاطع الشرح الخارجيه لدرجة المحاضره تصير نوووم- ولكن هذا الشي مفيد من ناحية المذاكره للاختبار. الشرح مو مره ويكرر في المعلومات كثير كمان. اما من ناحية الواجبات كانت كثييره وطويلة ولكنها بكل صراحه سهله واغلبها اخذت فيها درجة كامله. من ناحية الدرجات والله معطاء وما يقصر بالبونس ولا شديد في التصحيح.

للامانة يا اخوان اسحبو على التقييمات اللي علي الدكتور اقسم بالله انه ممتاز ويعطي كم درجة واذا مشروعك موب متأكد منه ارسله قبل تسليمه بيوم ع الواتس ويرد عليك ومتعاون ويفتج لك الواجب اذا تأخرت اقدر اجزم كل اللي نقصو عنده ما يفقه شي بالمادة او يبي درجات من غير ما يجتهد ولا واحد بالميه . اذا واثق من شغلك اضمن لك فوق الدرجة الكاملة بونص

الدكتور درسني عملي يرسل لك مقاطع يوتيوب وانت تطبق وتجي المحاضره يناقشك وش سويت في الواجب طبعا يبغاك تسوي ملف وتصور وتشرح اللي سويته سوا كود او شرح اذا ماجاوبت على اسئلته وقت النقاش ممكن ينقصك وفي النهائي يطلب منك مشروع ونفس طريقة الواجب تشرح

الدكتور يشرح بالانجليزي واعطانا واجب كان طويل مره ومتعب احيانًا يشغل فيديوهات للشرح اعطانا بونس في الكويز لكنه طار بسبب انه كان فيه سوء فهم لبعض المفاهيم وما شرحها الا بعد ما نقصنا الاسئلة من متوسطة لصعبة

انا ما كنت افهم من شرحه إلا شي بسيط من المحاضرة كاملة واختباراته نوعا ما من متوسطة إلى صعبة لكن ممكن يدف درجة لدرجتين عشان توصل للقريد

كان كويس بس الفاينل لعل انه كان صعب شوي بس اعطى بونس

الدكتور ما يشرح حاجه نظامة فيديوهات ويعطيك واجب وطبق الفيديو عليه والمحاضرة الجاية يناقشك فيه وعلى اخر الترم يكون فيه اختبار نهائي ويعطيكم ملف فيه اسئلة حاول انك تحفظ الاكواد عشان تجيب فل في الاختبار

درست عنده ذا الترم الصراحه ماكان يشرح ،محاضرته ماتاخذ نصف ساعه ، نظامه كان يعطينا فيديوهات يوتيوب ويعطينا واجب عليها نسلمه كل اسبوع وبالدرجات اذا نقصك لازم تراجعة يعدلك على الدرجة لان هو الصراحه يهبد درجات