افضل دكتورة في الجامعة عسل و تبرد القلب بعد ما تشوف شغلنا و ترفع معنوياتي بعد تعب ساعات على الشغل و تستاهل كل خير ان شاء الله لما انتقل انتظام بنزل مواد عندها اذا قدرت تفهم و تعاملنا معاملة ام مو دكتورة متفهمة و مافي زيها الله يرزقها وين ما تروح حب كبير لدكتورة انغام🫶🏽🫶🏽

كلامها كثير ، تشرح ، تساعد ، متفهمه الى حد ما ، غريبه اطوار مره الاخطاء تمشيها ومره ما تمشيها . اختباراتها من اسوء الاختبارات

شرحها غير مفهوم تعاملها سيء و ما تساعد

كاختبار نهائي بعضها لف وبعضها سهلة مرة 👍🏻 كشرح ماشرحت العملي. اما النظري تبعه شرحته بس العملي ماشرحت. ولما اقول ماشرحت اقصدها حرفيا بس ورتنا النتيجة الي تباها وقالت سوو لي زي كذا، كيف؟ ماقالت. فيه كم بنت سحبو المادة لانهم ماعرفو يسوو العمل لانها ماشرحت كيف. والسبب الوحيد الي خلاني اقدر اسويه اني رسامة رقمية واعرف للفن الرقمي عموما. غالبا ماحاخذ معها مرة ثانية. لكن تحسيني ادتنا ٣ درجات بس ماكانو سهليين كانو ٣ ملفات وكل ملف فيه اسئلة وااجد كثيرة وكل ملف عليه درجة بس لكن عادي اهم شيء تحسيني 😂🤍

دكتورة عسل، ألطف أترام مرت علي معاها الله يسعدها ♡

اخذت عملي ونظري معاها، ما تساعد ، دايم مو موجوده ، البنات غلطوا الكل يتحمل الخطأ، كرهتني في التخصص، ما تعطي واجباتها بدري ، دايم متأخره لدرجه نسلم الواجبات في وقت الاختبار النهائيه !!!!!

اختباراتها صعبه ماننكر يبغى لك مذاكره بتركيز جداً لانها تلف وتدور في الاسئلة لكنها مراعيه ومساعده جداً تعطي بونس يوصل لسبع درجات وتضمنين معاها درجات الواجبات والمشاريع اسئلتها المادة صعبه وغثيثة لو مع دكتورة ثانيع ما اعتقد كنت بمشي زي كذا رغم اني نقصت في الاختبار لكنها اعطتني ١٠٠ كامل واعتقد انها زادتني عن البونس شكراً لها مامرت علي دكتوره تدف وتساعد وتراعي نفسها الله يسعدها

دكتوره عسسل اخذت معاها التثقيف بالفن، مابكذب واقول اسئلتها سهله لا اسئلتها فيها لف ودوران بس المادة اساساً غثيثه وصعبة وعلى تعقيد اسئلتها الا انها تساعد وتعطي وتراعي بشكل كبير متأكده اني نقصت معاها في الاختبار بس زادتني درجات كثيرة عشان اوصل للA+ الله يسعدها وين ماراحت ولا مين الدكتوره اللي تعطي طالباتها حول ال٧ درجات بونس وفوق ذا تدف بالنهائي بالرغم من اني شفت تحذير منها الا انها طلعت عكس الكلام تماماً وغير كذا متعاونه جداً وترد على طول وتتحاوب وتراعي وتعطي فرص