فتحت ملف الاعمال اكثر من مرة وتحاول كل شخص ياخذ اعلى درجة يستحقها، اختباراتها مب صعبة، تحديدها مب كثير، متفهمة جدًا ومنصفة، تحب الطالبة تطلع بأفضل مستوى، ترد علي الايميل وعلى الواتس حال الإرسال، وتتابع عمل الطالبة الصدق تعاملها كان رائع، وفتخها للاعمال اكثر من مره يدل على طيبتها طيب الله اعمالها

اللي عندهم تفكير تصميمي ياخذون معاها مرره كويسه الماده اصلًا سهله وهي تساعدك مره يعني لو تقفل التدريب وانتي ماحليتي ترجع تفتح لك مره وثنتين وثلاث ولو حليتي غلط برضو ترجع تفتح لك تعدلين .. الله يسعدها صدق مره كويسه ومتعاونه وعسل بالمحاضره

صراحه مره متعاونه الله يسعدها

يزينها الدكتورة عسلل عسلل ومره طيبة اعطت فرص للواجبات للبنات مره كثيره عشان ماتبى احد ينقص. المشروع سهلته علينا ومدحت الكل. ما كان فيه ميد والفاينل موحد بس كان حلو وبديهي

الدكتوره طيبه وعسلل ومتعاونه معنا الميد ماكان عندنا ميد كانت واجبات تنزلها لنا ونحل والفاينل سهل مره والاسئله بديهيه والماده كانت اونلاين

بكل صراحه الدكتوره تعاملها معي كان مره كويس و كانت متعاونه و تمدحك و تبرد خاطرك في المدح و اسلوبها حلو بس مشكلتها ما تعرفين درجاتك والا تعلمك و مره قالتها بنفسها انو ما عندها احد ياخذ الستين كامله و ان طبيعي دامها مادة رسم بتنقصين لكن كانت كويس و اعطتني درجات حلوه الله يسعدها و اسلوبها حلو كوني كويسه معه و امشي على هواها بتكون كويسه معك

صراحه يوم دخلت اقيمها شفت التقييمات وانصدمت ، اول شيء مو لطيفه ابداً ، اختباراتها ما تنحل دايم فيها لف ودوران ، العملي دايم متأخره في حياتي ما شفتها مو متأخره، ما يعجبها شيء وتهاوشنا معاها على شيء مو خطأنا ، وفوقها نقصتنا وزعلت مننا واعطتنا اختبار ما ينحل وتوهقنا معاها، دايم ماشيه بمشاعرها وعاطفيه بزياده وغريبه جدا حتى هي مو عارفه لنفسها ، لكن محترمه جداً وذا شيء يشفع لها لانه شيء نادر صراحه وما تستنقص منك بالعكس تحاول ترفع فيك وفي اعمالك

دكتورة لطيفة جدًا ، ومرنة في التعامل وتمشي اختبارها الميد صراحة كان كارثة ، صعبب جدا والاختيارات متشابههة وتدوووخ ، حاولت تساعدنا بس برضوا صعب . الفاينل كان موحد وكان سهل سهلل جداا وبديهي وراائع ، وفي الفاينل مارح تقرأ الاسئلة ولا تساعد .

دكتورة متعاونة جدا الله يسعدها

المادة حلوه وسهله والدكتوره الحمدلله ماصعبتها بالمحاضرات كانت تقرآ السلايد لان الصراحه ما يحتاج شرح خارجي كل شي موجود بالسلايد واسئلة الميد كانت مررره حلوه الحمدلله وسهله وأعطتنا جزئية الاختبار في ثلاث شابتر قصيره كانت ماده حلوه وخفيفه معاها