الحمد لله اولاً .. كانت الدكتورة مشرفتنا بمشروع التخرج وكانت جداً متعاونة معنا ، وتحاول قد ماتقدر انه تشوف كل جزء من المشروع لمن ننتهي منه وتعطينا ملاحظات ،كانت راقية بالتعامل معنا وماشفنا الا كل خير . الله يسعدها 💛💛💛

اخذت معاها مرتين وكل مره اجيب A+ لكنها متعبة نفسيا بتعاملها واسلوبها وفيها نوع من المزاجية مره تعطي مره ماتعطي مره تقلب مره ماتقلب وعادي جدًا تسحب عليكم بدون ماتعلمكم ان المحاضرة انلغت عموما مستحيل اعيد تجربتي معاها بسبب المزاجية هذي صحيح تعطي بونس و كل شيء بس ما تستأمن صراحة

الدكتورة شرحها جميل جدا واجباتها سهله واختباراتها سهله ، ومحاضراتها ممتعة

الدكتوره اللي ماافهمت ليه كميه السب اللي عليها دكتوره توصل لك المعلومه بشكل سهل وماتطول وهي تشرح شرحها ممتع اسئلتها اسهل من السهل كويزاتها مووويه واذا اعطت واجب يكون بسيططط والفاينلل مستحيل ماتضمنين الفل مارك فيه من السهوله الله يسعدها يارب ولله عسلللل تبرد القلبب

تكفين والله ماابي شي منك بس الاسلوب شوي الله يسعدك

هذي الدكتوره شفت عليها سب مو طبيعي ! يناس والله عسل! هي فقط ماتحب احد يخش وراها واسلوبها تبين انها شديده وماتدف وصارمه لكن العكسسسسس ، الاختبارات سهله جدًا جدًا جدًا تضمنون درجات معها بالهبلللل احبها احبها اعرف علطول ان درجاتي م بتنزل من 90 الله يسعدها يارب منزله معها هالترم مادتين🤍 لاتفوتونها ابدًا ، صح فيها شي اغلب البنات م يحبونه انها توزع السلايدات على كل الطالبات هم يشرحون مو هي بس الدرجات تشفع لها واعطت الكل 20 ف الشرح تقول لكم لاتقرون من الجوال وماتنقص حتى لو قريتم 💋💋 عسلللللل ينااااس

من الاخر لو تبو تضمنو درجات خذو معاها لانه اختباراتها موويه والكويزات سهلله الاسلوب لك عليه بس مايهم لو ابا اجيب درجه زي الفل

قد ما سمعت سب عليها ما شفت ولا شي سلبي صار معاها الكويزات جداً تافهه وسهلة عطتنا واجبات وقالت تساعدك اذا كنتِ ناقصة بعوض منها الميد كان سهل ايضاً الفاينل حذفت لنا جزء الميد ممكن حسب رضاها عن الشعبة اللي تدرسها كانت راضية علينا ودرجاتنا حلوة الحمد لله

شرحها اسطوووووووري ولو انها خلتنا نشرح اغلب المقرر لكن اذا مسكت جزء مره شرحها فيه يجنن، اسئلة الميد والكويز والفاينل سهههههله لأبعد درجة ونسخ لصق من السلايدات الدرجات بيدكم ذاكرو السلايدات بيجي زيها ١٠٠٪؜ انسانة طيبة جدًا ولو انها تعصب احيان على اشياء ما تستدعي الغضب لكن والله العلي العظيم انها طيبة مره مره ولو تسالين مليون مره تجاوبك لو تنزلي مره ثانية باخذ معاها وانا مغمضة ❤️

اخذت معاها هندسة برمجيات نظري كنت استمتع مره بمحاضراتها تحاول تترجم كل الكلام وتشرحه عربي وانقلش كويزاتها اونلاين وسهله ومباشره كانت تاخذ افضل اربعه ولا احتجناها بسبب انها سهله الميد كان سهل سهلللل مره ومن السلايدات ومباشر يعني لو حفظتي السلايدات بتضمني تجيبي فل مارك👍🏻 باقي ماختبرنا فاينل بس ان شاءالله ماندم على هذا الكلام وتكون نفس ماهيا