مع ان الماده مو من تخصصها بس شرحها كان جبار ولا احتجت مصدر من بعدها, اختباراتها موضوعيه سهله مباشره من السلايدات والكويزات عالبلاك بورد 15 دقيقه , مشروعها كان طويل وممل ومتطلباته كثيره, تعطي بونس بالهبل 10 الى 15 درجة بس احسه يجي منها بالمزاج, ما تحب احد يدخل بعدها على طول تطرد والجوال يكون عالميوت ولا تنشغلي فيه عشان ما تقلب عليك خليكي مركزه معها, الغيابات تسجلها عندها ما ترصدها بالموقع, ما ترد في الايميل الا على ليدر الشعبه بس, ما تعترف بالاعذار

اوك طيب الدكتوره ما تتفاهم ومن النوع اللي يعصب ومزاجي مره تضحك مره تعصب على نفس الموضوع ، بالبدايه كنا مفجوعين مره متطلباتها بالمشروع كانت جنووون ماقد مر علي بالجامعه مشروع كذا وتدقق مررره فيه ، بس يوم جاء الميد سهل مره ومن نفس السلايدات والنهائي بعد مووويه بس المشروع جننا ورعب الصراحه

بعد صبرنا عليها وعلى سحبتها علينا وجنونها قالت بعد اخر محاضره الحمدلله بفتك من وجيهكم🌹 مستحيلللل اخذ معها مره ثانيه ولاتفكرون تعتمدون على كلام قيم اللي يقولون تعطي بونس ماعطتنا شي غير ان كويزها الاول كله مقالي ولازم ب10 دقايق تحلينه ولا بتاخذين صفر ويوم شافت الاغلب جايب تحت 5 عادته

الدكتوره ما اكذب عليكم توترتك وتخليك تحكمين عليها غلط واسلوبها شوي مو كويس بس اقسم بالله دلع دلع درجات دعيت لها من كل قلبي لان حرفيا زودتنا 13 درجه واكثر ع حسب كل وحده توصلها زياده ثلاث قرديات !!! واو صراحه حرفيا حبيتها والله وشرحها شي شي جبار وتوصل لك المعلومه والاسئله سهله مافيها تعقيد ابد الله يعطيها العافيه

والله مجنونه الدكتوره ذي ماترد علي الايميل وتعاملها اسوء ما شفت حسنتها الوحيده انها تعرف تشرح غير كذا ماشفت وكويزاتها تصدع ١٠ دقايق على البلاك بورد بس ولو اتقفل عليك الاختبار من النت ما تفتح ثاني تجيب سيناريوهات ونظري وكثير سحبت علينا يمكن ٤ محاضرات نداوم ولا تعتذر

مريضة اشك ان عندها ثنائي القطب يمين بالله كانت تقول نفسي بيوم من الايام اغدر فيكم اقول فيه محاضرة ولا اجي و سوتها و محاضرتنا كانت من ٢ الى ٤ بعض البنات يجون من اقصى مكة و بعضهم من جدة و الطايف الكويزات نختبرها اثناء المحاضرة ٥ تاخذ افضل اربعة ( الحسنة الوحيدة الي سوتها ) اعطتنا واجب فكته بالمحاضرة دقيقة و نص مدته سؤال واحد عليه عشر درجات و مقالي محد امداه يكتب قفل الوقت و لا عوضتنا و راحت ال A بكبرها . الميد و الفاينل مقالي ❤️ ما تعطي بونس ولا تحذف شباتر الميد كل الدكاترة سووها الا هي

الدكتوره شرحها كويس وتترجم بس الكويزات ماش الصدق اختبرتنا كويزين والوقت كان عشر دقايق ومع ذالك البنات الي يقفل معهم ماتعيد لهم واحس مب متفهمه مره يعني معليش عشر دقايق وعشر اساله تشفير ! الميد مدري هو أنا كنت متوقعه تعاريف واشياء واضحه بس مره بالنسبه لي كان سيئ حرفيا فهم ومافي شي مباشر من السلايدات صدمه وسيناريوهات الواجب أعطتنا كلنا فل والمشروع كان ممتع واتوقع أعطتنا كلنا فل بسس مستحيل آخذ معها مره ثانيه ماتعتذر والي ترسلها بريد تنقصها وداومنا ثلاث محاضرات أتوقع وبالنهايه ماجات ولا أرسلت اعتذار!

اختباراتها تجنن وشرحها يجنن لكن اسلوبها الله يهديها وما تراعي البنات ابد

ماتعترف بشي اسمه ايميل او غياب بعذر تحرمك من ثالث غياب ماترصد الغياب بالموقع شرحها تمام يعني كويس الصدق تساعد في انها تعطي اكثر من كويز وتاخذ افضل درجه ماهي متفمه ابدا اذا صار لك شي ماتتفهم كانت تختبرنا الكويزات على البلاك واذا علق عندك او ماعندك نت او اي شي تقولك طز حرفيا وتسحب عليك ولا عليها ولا ترجع تفتح ماعندها اخلاق شوي ولا يهمها اساسا رأينا فيها تهدد كثير وماتشوف الطالب شي وتطردك لو دق جوالك بالمحاضره ولا عليها فيك بس عاد تاخذون عندها درجات اسالتها سهله وتجيب مقالي

الدكتورة اسلوبها جدا جدا سيئ يعني أنا م قد شفت تعامل زي كذا شرحها حلو ومختصر وتوصلك المعلومه اختباراتها بالفهم اكثر من الحفظ يعني لو رحتي الاختبار وانتي حافظه م بتحلين لان في اسئلة بالفهم بونس م اعطت لكن راعت في الواجب والمشروع الكويز زي السم يعني ذاكروا كويس كان حضوري ع البلاك والوقت ١٠ دقايق والي ترسلها ع الايميل تنقصها مشكلتها تعاملها وأسلوبها