من افضل الدكاتره على مستوى جامعة حائل وليس الكلية فقط ياحظنا في الدكتور محمد طليحان والله كل ماسالت احد عنه انه يثني له ويدعي له والله يجزاه الف خير كلام كثير بالقلب لدكتور محمد طليحان الصقري نعجز عن التعبير متفهم - اسلوب راقي جداً جداً - متساعد مع الطلاب- مقدر لي الظروف شكراً دكتور محمد طليحان الصقري

الدكتور ماشاءالله شرحه واضح ، واجب واحد نهايه الترم وفادني بحل الاختبار النهائي ، الكويزات حضوريه لكن بالبلاك بورد مهي ورقيه كانت 2 , فيه برزنتيشن نهايه الترم مع طلاب تسويه يفيدك مستقبلا كان عليه 4 درجات اذكر نقص درجه من مجموعه بس اسالوه قبل البرزنتيشن وش يبي منكم ( يبيك تشرح ماتقرا من السلايدات )

الله يسعده ويوفقه

دكتور أسطوري شرح واضح جداً متعاون ومتفاهم مع الطلاب ، يرد على الإيميل بسرعة حتى في الليل درست عنده ٣ مقررات إنسان رائع جدا الله يوفقه ويسعده وين ماراح

مثال حي للدكتور المثقف القدوه لطلابه. هين لين في التعامل. بشوش عند المقابلة. متناول بكل ما يستطيع.

السلام عليكم ورحمة الله وبركاته خذيت عنده جافا 2 و جافا 3 - 2025 افضل دكتور مر علي بمسيرتي صراحه شرح واضح ومايطول اغلب الاحيان، عنده نظام على خبري مادري اذا غيره اذا جبت A يخليها A+ يعني يدفك قريد

اقسم بالله العظيم لو بتكلم عن الدكتور محمد الصقري اني ما اقدر اسكت إنسان عظيم جدا درست عنده وحصلت عنده حسن الاسلوب والرقي والاخلاق أقسم بالله تمنيت اني ارسب عشان ادرس عنده مره ثانيه الله يوفقه ويسعده ويبيض وجهه ويفتحها بوجهه وين ماراح قسم بالله ان كان تشوف رسالتي اني لن انساك من الدعوات كما ادعي لنفسي

يشهد الله انه افضل دكتور بكلية الحاسب كامله وانا اخذت D اهمال مني الله حق بس الدكتور ماقصر وليدة عرب

الدكتور حريص شوي بالحضور يحضر بعد ١٥ دقيقه من بدايه المحاضره واذا مالحقت التحضير يحضرك اخر المحاضرة بس يحط عندك علامة انك متاخر ماينقص منك درجات بالحضور بس اذا ماغبت والتاخير عندك قليل يزودك درجات واجد انا مجموع درجاتي قبل الفاينل ٤٦ وبالفاينل كان عندي اخطاء مع ذلك اخذت عنده A+ بفضل من الله سبحانه. نصيحتي للي بيسجل جافا لاتتعداه

شرح تاريخي يفهمك غصب