كدرجات درجتي معاها كويسه ولكن ما تتزل الدرجات بوقتها يعني طبيعي جدا اننا دخلنا على الفاينل بدون ما نعرف درجة الميد هذا غير انها ارسلت متطلبات الفاينل قبل الفاينل بيومين. اسلوبها حلو في معظم الاحيان ولكن عليها فصلات. برضو ممكن تجي قبل الفاينل بكم يوم تقولك على تعديلات على البلان كامل هي مأكده عليهم بداية الترم. لكن كمتابعه فعلا كانت موجوده دايما بمكتبها عشاننا وتتابع معانا وحتى التواصل معاها كان سهل ولكن تجربه ما اكررها

تعاملها مرة كويس وما تظلم في الدرجات، وتعطي بونس. وكل ما نطلب منها متابعة تكون موجودة في المكتب أو تفتح لنا كلاس أونلاين، وترد في قروبات الواتس. كانت متفهمة وتساعدنا إذا شافتنا مضغوطين. بصراحة استمتعت بالمادة معها.

بالبدايه كنت متحمسه للمادة والدكتورة واحسني بستفيد بس واقعيًا العكس الدكتورة طول السمستر كامل ممكن حضرت لنا ٤ محاضرات الدرجات حتى ماتقدري تخمني ماتوضح الدرجات ابدًا وتقول مالحقت اصحح من الشغل الي عندي هي اسلوبها حلو بس عليها فصلات ماهي حلوه تحطمك بالاضافه انو عادي فجاة ماتحضر وماتعطي خبر او اذا اعطت خبر تعطي قبل الماحضره بوقت قصيرر

افضل دكتوره متفهمه و عارفه ضغط الطلاب اذا طلبتيها مساعده من ناحيه الفهم ما تقصر ابدا ابدا

هي انسانه كويسه وشاطره وفاهمة ماشاءالله لكن فين وفين تشوفها، لكن بعدها نحوس وندور ونسال عشان نبغا نوريها شغلنا قبل ما نسلم لان المادة صعبة شوي وفي معلومات جديدة علينا نبا نتأكد منها! عادي يمر شهر ما نشوفها ولا ترد ايميل ولا متعاونة في التسليم يعني لو ما قدرت تدورها وعندك شي غلط تخلينا نتحمل اغلاطنا وهي ماصححت

ندمت اني اخذت الماده معاها والله من كثر الطلبات بالتكاليف ماكنت قادره اتعلم زين من قوة التشتت ماعطتنا اشياء وعلمتنا عليها كويس لا تعطي كذا عدد طلبات جنونيه وكانت مادتها تاخذ وقت طويل مره مره من كثر الشغل فيها ما انكر ان تعلمت منها بعض الاشياء صدق وهي شاطره وتخصصها اصلا بالتو دي لكن تعاملها ماش ومزاجيه عادي تسألينها سؤال وتطالع فيك وتطنش

افضل دكتورة في كلية التصميم الداخلي افضل شرح وهدوء ودقة فالشرح تعطي درجات وتساعد وتشرحلك ووقت ماتحتاجيها تساعدك اكثر من الي تطلبيه

إنسانه مجتهدة لنفسها لكن مايوضح الشي ف التدريس فقط

ماترد على الايميل ماترسل رساله انها بتعتذر عن المحاضره ولو ارسلت بيكون بنفس وقت المحاضره تبغاك تجينها دايما بالمكتب ولما نجيها ماتكون موجوده على مواعيدها ورح تلومك على التأخير والاهمال ماستفدت منها ابدا في الاستديو ماتعطي افكار ونصايح ولا تساعد كل شيء كان تعليم ذاتي

تصحيح غير منصف ودكتوره غير منصفه في الدرجات انا وصحباتي نفس الاخطاء ونفس التصحيح بس وحده ماخده كامل و حده خسفتها والثانيه منقصتها شويا ولمن تراجعي معاها الدرجات ما يعجبها و كمان قعدت تقول نقصت هنا عشان كدا وهنا عشان كدا ولمن جمعناها طلعت اقل من اللي منقصتني هوا ولا غيرت الدرجه