والله مدري وش اقول وش اخلي لكن دكتور ظالم بالتصحيح ولا يحضر محاضراته ومسكب التصحيح ويرمي درجات عشوائيه ماخذ فل بكل شي ومسلم كل واجباتي مع ذلك صكني B وانا متاكد اني استاهل A ومستحيل تعرف درجتك بالواجبات ولا يعرف يشرح الشي الوحيد الكويس فيه اسلوبه بس ولكن ماتاخذ منه لا حق ولا باطل

باختصار الدكتور واضح جداً من بداية الترم يقولك عطي الماده حقها ويعلمك التصميم الهندسي بشكل صحيح بس انه يطبق الماده بحذافيرها مافيه تساهل زي الدكاتره الثانين ابداً + انه يدقق على الجورنلز وكل شي في بداية الترم الى نص الترم بعدين يصير مستاهل ويعطي اكسيد شعبتنا خلصنا ٥ كويزات تقريباً ولا اكسيد بس بعدها صار يوزع باختصار الدكتور محاضرته ممتعه ويسولف باشياء تشدك ويخليك تفكر ورهيب واخلاق لاتاخذون انطباع عنه انه سيئ هو كويس بس انه نظامي وفالاخير ترا ناس كثير اخذوا عنده أ+ واللي ماشد نقصه ماعنده تمشيه

الدكتور تعامله كويس بس المشكله في شرحه ما يعرف يشرح ولا تفهم عليه و طريقه تقييم الواجبات عنده غريب يقييمك بالفواصل

الصراحه في البداية الدكتور كان شادها ولازال شادها لين اخر الترم يوم اقول شادها يعني الدكتور قاعد يطبق الماده بالملي من ناحية تصحيح وغيابات وغيرها لكن اذا شديت معه واجتهدت بيعطيك فوق حقك والصراحه الدكتور صدمني في النهايه يوم عطاني درجه كامله مع اني استحق ب + او اقل لكن العيب مو من الدكتور بل من الماده نفسها تحتاج تحط طاقتك كلها فيها كان ما عندك مواد غيرها

اسوء دكتور مر علي للحين اسلوب صفر شرح صفر ماانصح احد ينزل ماده عنده

دكتور ممتاز للي يلتزم معه

الدكتور ذا سمعت عنه سب مو طبيعي ولكن للامانه الدكتور ابداً مو كذا ، الدكتور بكل اختصار تحسه روبروت يعني ياخذ كل شيء بالمنهج بحذافيرة وذا اسوأ شيء فيه يعني ماده التصميم معروف انها ماده ترفع معدلك ، ولكن مصعبها ع الفاضي ، غلطت ٧ درجات بكويز ؟ الله لايهينك تسوي مشروع ميكب ١٠ صفحات كامله ، يعني شيء مايستاهل حرفياً واغلب الدكاتره اذا مو كلهم مايركزون ع الشيء ذا ، تعامله واسلوبه عادي الى ممتاز واذا جاء يغيب يرسل بالواتس ( مشكلته فقط انه متشدد وملتزم بالمنهج لو يترك الشيء ذا يطلع دكتور عادي الى ممتاز)

أسوء دكتور درست عنده شرحه سيئ وغير مفهوم ابدًا واسلوبه اسوء ، قررت احذف الماده من ثاني شهر .

للأسف دكتور سيئ بمعنى الكلمة يعطيك واجبات كثيره جدا وحتى شرحه غير واضح وغير مفهوم ابدًا ، المد الأول بعد أسبوع ولكن قررت أحذف المادة من الآن .

الدكتور يجيك يشرح يشرح يشرح يشرح ويصكك بمليون واجب بالمادة ذي يسولف لك عن الطبخة وعن الطماطم لدرجة اروح لاخوياي عند دكاترة ثانيين واقولهم يقعدون يضحكون يقولون ماخذناها ذي ولا نعرفها هو اخذ A+ عند دكتوره وانا حذفتها من عند الدكتور اذا صار فيه تعليق يقولك سلم الاعمال على الواتس يطلبك بحث من ٢٠ ورقة وممكن اكثر انا ندمت اني اخذت المادة عنده ولكن توبة والتقييم ذا عشان انبهكم نصيحة لاتاخذونها عنده ولاحول ولا قوة الا بالله