الدكتوره ماتشرح زين للاسف وبعض الأحيان تنفس بس الصدق خليها تعرفك وتدفك بالأخير وأي تطوووووول بالحيل بالتصحيح

دكتوره سماح انسانه جدا رائعه وجميله ومتعاونه مع الطلبه صح ممكن الشرح مو احسن شيء بس توصل المعلومه ولو سالتيها عن شيء مو فاهمه ترجع تشرح الين تفهمي ماتطفش أبدا من الاساله وترد بسرعه وتساعد مره وتراعي حتى لو عندك ظرف تتفهمك

الشرح ماتشرح بتركيز لازم كل شوي توقف بدون سبب وتقعد على الجوال ماتعرف تنتظم بوقت كويزاتها متغيره عن قبل صايره تصعبها،، مزاجيه ميزتها تعطي بونص

الاغلب متفق ان سماح ما تشرح ابدًا لكن تراها متعاونه جدًا يعني تتفهم ظروف البنات بشكل فضيع وسبق وحصل لي موقف وراعتني ولو كانت دكتوره ثانيه ما اتوقع بتراعيني ولاحظت ان 99٪؜؜من بنات شعبتي عدو الماده,مشكلتها تاخذ الوقت وزياده على الفاضي لكن تصحيحها ما لاحظت فيه ظلم ابدًا ولا فيه اخطاء درجتي نفس اللي توقعتها بكل الاختبارات سواءً كويز ولا ميد ولا فاينل ولاحظتها تكون مزوده البنات درجات ويجون يناقشونها على نص ناقص لهم وتوضح لهم انها مزودتهم اكثر مما يستحقون،سماح خلوقه جدًا لكن نادرًا نفسيتها تكون سيئه

الي تدرس مع سماح وتدور شرح من الان اقولك شرح مافي بتقعد تسولف طول المحاضره وغالبًا تروح المحاضره على سوالفها او تكون على جوالها لكن تعاملها والمساعده حطيت خمسين لان على حسب المود اذا كانت مروقه تحسينها بتعطيك عيونها بس اذا منفسه لاتجينها لان ماراح تتفاهمين معها وكل يوم لها مود فا ما اقدر احدد من ناحية التصحيح لازم تراجعين وراها لان اعتقد هي بكبرها ماتدري وش الاجابه او انها تصحح وهي مغمضه اختباراتها كويسه مو مره صعبه ولا ذيك السهوله وبكل صراحه تدف اذا كنتي قريبه من النجاح

كويسه

أولًا، اللي بيسجل عند سماح بيضيّع وقته ويداوم على الفاضي.. أنا أنزل عندها لأني أتأخر وأقدر أقول أوووه دكتورة ما حضرتيني ما كنت بالكلاس وتحضرني مرة ثانية (المهم تجونها بأسلوب عشان ما تفصل عليكم) ما يُرجى منها شرح، وأقول دائمًا دكتورات الرس ليسوا مصدرك الأول بالمادة، ضروري تدورين لك مصدر ثاني سواءً تسجيلات تتابعينها أول بأول، أو خصوصي (ما أحبهم بس يساعدونك، عدا يوستدي هذولا رهيبين جربتهم بإحصاء١٢٤) المهم، هي وفاطمة وخالدة كلهم الكويز موياا من تدريب الكتاب، سهل تجيبون فل مارك بس سماح هبّيدة بالدرجة

ما انصح ابدا فيها حرفيا ما تعرف تشرح ويروح الوقت تسولف عن نفسها وحياتها واخر الوقت تقوم بس تحل شرحهها غير مفهوم ابد ما واحيانا يطلع حلها غلط وتعدله وقت يكلمونها البنات بعدين قريب الاختبار ,كويزاتها اشوفها متوسطه الصعوبه الى صعبه تحب المقالي مره تجيب سؤالين يمكن معقولين والباقي صعب

اخذت معها ثلاث مرات بسبب الاضطرارية:تحضيري-ماث1-تدريب ماث2 اولًا بشكل عام واضح عندها معلومات بس ليش ماتشرح؟محد يدري التجربة الاخيرة بالتدريب ماث2 90%من المحاضرة تروح تأخير وتأمل مع نفسها وسرحان على جوالها اخر المحاضرة فجأة تقرر تقوم تحل كم سؤال ولا تقول مقدر اطلعكم بدري ضميري مايرتاح لازم احل اغلب الافكار معكم تحل سؤالين على الطاير بعده راحة عشرين دقيقة على الجوال وهكذا وتتأخر عن المحاضرة وتقعد برضو ماتطلع الا قبل بعشرين د بالكثير بس عشانها مضطرة تطلع صايره تصحح اسرع+كويزاتها بين الصعب والسهل

ماتشررررررح زين بس تقرا وتخليكم تتاملون السؤال عشر دقايق بعدين وحده تقوم تحل وعلى ذا الوضع تسولف كثير بس وسيعة صدر تراه مره تتاخر عن المحاضرات اختباراته تعتبر متوسطة الصعوبه تجيب نفس الكتاب بس تغير الارقام