الدكتوره اخذتها من المدح وسمعت انها تدف ولكن لا تصدقون ترا ما تدف ولا نصف درجة تعطيك حقك كامل فقط والمحصله ما جبرتها لنا والدكتوره كأسلوب وشخصيه كويسه لكن لو تدورين دف مافيه

الصراحه بنات بقولكم الصدق أنا اخذتها على المدح بس الصراحه يمكن فيه بنات يفهمون معها مدري عنهم بس الصدق ترى شرحها أبدا مو حلو يمكن بس تعرف تشرح المسائل وتعطي ملاحظات اما النظري أبدا ما تعرف تشرحه والتمويل يبي لك فاهم النظري والعملي ومشكلتها تشرح من سلايدات خاصه فيها ما تشرح في سلايدات المنسق وتحوسك ومن ناحية التقرير احسها تراعي وأسلوبها زين بس احسها مغروره لأن إذا سألتيها تحسسك غبيه وتصحيحها بالاختبارات تعطيك حقك بالورقه بالضبط ما تزودك أبدا ولا تصدقون اللي يقول تزود تعطيك حقك بالضبط

جزاها الله عنا خير الجزاء ونفع في علمها

الدكتوره عاديه جدا ماتدفك ابد ابد حقك اللي على الورقه تاخذينه والتقرير اذا ماشيه على المتطلبات ميه ميه تعطيك الفل مارك اذا منقصه شي تنقصك ماتمشي بس للامانه الدكتوره جداا محترمه وراقيه وماتظلم احد اذا تبين تندفين قريد ؟ ماعندها هالشي ابد تعطيك حقك وبس

دكتوره عاديه جداً اكثر دكتوره عليها تطبيل ندمت اني اخذت معها خربت جدولي عشان اخذ معها بالنهايه ماشفت الدف الي يتكلمون عنه واسلوبها وشرحها عادي ممكن الحسنه الي فيها تعتذر كثير +التقرير حقها متطلباته كثيره بس تمشي فيه

قليل بحقها الكلام دكتورة من أفضل ما مر علي بالجامعة رغم ان المادة ما كانت خفيفة إلا أنها حاولت تخففها علينا قد ما تقدر، لطيفة ومتعاونة وتساعد قد ما تقدر وما تتوانى بلحظة أنها تخدمك وتساعدك حتى لو بالواتس وخارج أوقات الدوام ترد إلى آخر لحظة قبل الاختبار .. وما تقصر بالمراجعات والتنبيهات الله يسعدها وبسسسس🤍🤍🤍🤍🤍

يا أفضل دكتورة بالكلية كلها❤️ الله يجعلها بالجنة هي ووالدينها ، قمة في الأدب والأخلاق والتعامل الحسن مع الطالبات تعاملهم كانهم بناتها وماتقصر بالشرح تبسط لك المعلومة قد ماتقدر.

عسل عسل عسسسل خوذو عندها والله نصيحة لا تاخذون عند غيرها تجنن مره تسهل المعلومه وماتحب التمطيط تعطي المعلومة بطريقة سهله ومرنه وسلايداتها تسهل المعلومة الصدق الدكتوره رهيبة ومتعاونه اقيمها 10000/10 الله يسعدها ويوفقها

اااخ من الدكتوره العسل هذي تبارك الله اسلوب وتعامل معنا تعبرنا بناته والله ، شرحه حلووه والله والتصحيح لو تكتبين على فهمك تاخذه وبالتقرير ترد عليك بالواتس وتعلمك وتشوف وش ناقص بتقريرك قبل ترسلينه ، لو تطلع لي ماده ثانيه باخذ معه بدون ترددد + سلايداته كافيه ووافيه

عسسسل هالدكتورة اسلوبها تبارك الرحمن وكويزاتها سهله وجدًا متعاونه ووقت الاختبار ميد او كويز اذا سألتيها عن شيء توضّح لك بس عيبها الشرح لكن سلايداتها مره تغني عن الشرح وتختصر وتسهل المعلومه اذا حصلت لي الفرصه انزل معها مره ثانيه بنزل بدون تردد❤️