دكتوره راقيه بمعنى الكلمه 🫶🏼

عاديه بالشرح تحاول توصل المعلومه بس ماش حليله جدا بكويزاتها تدور على الطالبات وتشوف وش تحتاجون بس بالميد والفاينل ماعندكم احد ومستعجله دايم افضل مافيها انها تلخص لكم الكتاب بسلايدات المهم والزبده يعني لو مافهمتي من شرحها بتفهمين من الكتاب تدخل معكم قروب وماعندها مانع تشرح لين قبل تدخلون تختبرون

ربي رزقها اسلوب عسل عسل عسل تبارك الله تخليك تحبين محاضرتها رغم اني ما كنت افهم معها كويس لان الماده ماش شوي بس كريمة بالدرجات والعطاء مررره

ياناس وش أقول وش أخلي! شرحها للامانة عادي وتختصر المعلومات لكن اذا قلتوا مافهمت تعيد الشرح عادي لكنها من أعسل الدكتورات الي ممكن تواجهونهم بدون مبالغة ! التواصل سهل مسويه لنا قروب ومعانا رقمها كويزاتها جدًا سهلة وتصحيحها تعطيك حقك، واذا طلبناها تأجل كويز تأجله عادي وبرمضان تسهيلًا لنا ماعطتنا كويزات فيه وبالفاينل مشت كثير بالنسبة لي انزل معها مرتين وثلاث عسل جدًا ❣️

الدكتورة حليله وتقبل الاعذار وماتقول شي على التأخير سبحان الله حتى إذا جت تهاوش ماتكشين منه تحسينه اختك الكبيرة متفهمه مره صح تهاوشنا بالقروب بس ميخالف والله مادري شلون جبت +C توقعت اني احمل المادة لاني اعترف ماكنت اعطيه الماده حقها بالمذاكرة انتم اكتبوا كل القوانين اللي حافظينه وأبد بالتصحيح هي بتحاول تدور لك منا ومنا يعني تساعدك إذا ساعدتي روحك 🥰

الصراحه اخذتها على المدح الي شفته هنا وانهرت الا ادخل عندها اخر شي ماتسوااااا حرفيا شرحها كانها تقول معلومات بديهه بالنسبه لها وانتي ماتدرين وش تقول وتهبد كويزاتها صراحه تشوفيها سخيفه وسهله بس لابد تغلطين غلط ماتدرين وين طلع ( علشان تنجحين بكويزاتها اكفظي سلايدتها حفظظظ كل كلمه حتى لو مافهمتيها) وبالنسبه للميد والفاينل كان المنسق قيس وصعببب مره وجلدنا بالميد الفاينل نوعا ما متوسط وهي ماساعدتنا كل كلامها سهل يابنات ولا مشت شي وتشوف انه قلة ادب تطلبون بونص😀!

طيوبه وتراعي وتحط الكويزات بناءًا على رغبتنا حليله مره اللي تطلع له ياخذ معها بس تراها تعطيك حقك ماتعطي بونص بس تحاول تمشي كثير وتحاول تعطيك على اي شي كاتبته درجه بختصار تهتم بمصلحه الطالبه كثير 👍🏼

شرحها حلو وسلايداتها احلى بكثير من سلايدات المنسق احسها اوضح تسوي قروب بالواتس (افضل التواصل معها سريع وسهل) تسوي مراجعات ويجي نفسها بالاختبارات يعني اذا سوت مراجعه لا تغيبون (احرصوا على النقطه هذي بتفرق معاكم بالاختبار) تدفك وترش عليك الدرجات بالفاينل بس بالمدات لا (تعتذر كثير) منطقي لأن الماده احس يكفيها ٨ محاضرات بس واصلاً ختمنا المنهج بدري مره اذا خلصتوا المنهج مافيها تعسير بعض الدكتورات اللي يقولون فيه تحضير ولازم تحضرون لا سهله ومرنه وسلسه بالتعامل قضى المنهج ما تشوفينه الا بالفاينل❤️

صراحه شرحه حلو وتعيد وتزيد لك قد ماتبين لين توصل معلومه صح كويزاتها صعبه ولابد شي يلحس بس شرحها حلو وتعاملها وترد علطول وحتى لو كلمتيها بجوال ترد علطول 💙