افضل دكتوره شفتها بالجنائي شرح جميل جدًا وشيق وتوصل المعلومة ومتعاونه جدًا كل ما اذكرها ماغير أدعي لها الله يجزاها خيري الدنيا والآخرة.

أخذت معها أكثر من مقرر صوتها عالي جدًا بالشرح ولكن المحاضره معها ممتعه وتتعب عشان توصل المعلومة وأثني عليها صراحة لو يطلع لي اسمها بمقرر مستحيل أفوتها وباخذ معها وحتى الاسئلة للاختبار والتصحيح عادل جدًا

الدكتوره رائعه بمعنى الكلمه اختباراتها في الميد سهله وبسيطه محاضرتها ممتعه .. لكن فقط بالفاينل تعطيك حقك وماتدف

هي يقال انها ممتازه ومن أفضل الدكاترة ومتأكدة لو ماعندي حالة صحية مثل الصداع النصفي وحالة مزمنة أخرى ماقيمتها كيذا هي من النوع الي يستمتع ويسترسل ويشرح بصوت جدا عالي واحيانا بشكل سريع فدائما اخرج مصدعه ولا انا فاهمه شي احاول جاهدة احظى بنفس تجربة البنات معها لكن للأسف اضطر ابعثر خطتي عشان افهم المادة مع دكتورة ثانيه وأحيانا كثيرة اغيب بشكل كبير لأني عارفه المحاضرة ماراح تنفعني ودرجاتي أكثر تدني معها وصراحة ماقدرت اصارحها بالموضوع لأن مالي وجه وهي من حقها تشرح بالطريقة إلي ترتاح فيها

افضل دكتورة بتخصص الانظمه وياليت كل موادي معها شرح فوق الممتاز توصل المعلومه اسئلتها سهله جدا تعاملها ممتاز الله يسعدها يارب ويجزاها خير

لو أختار دكتورة وحدة أدرس معاها طول حياتي، بتكون هي. قليل الوصف بحقها دكتورة عظيمة، تفاعلها مع الطالبات وحرصها على فهمهم يفوق الوصف. فعلاً دكتورة متميزة بمعنى الكلمة.

تباااارك الرحمن وش اقول عنها ووش اخلي الله يوفقها❤️