المحاضره تسولف سوالفها تضحك تمون وكويسه بس الاختبارات سيئه احل زين وانصدم من الدرجه ولا شفنا التصحيح و مانعرف طريقة تصحيحها بس واضح شديد الله يوفقنا بالفاينلز

الصراحه شرحها مب مره زين بس تحاول قد ماتقدر توصل المعلومه بكل الطرق لدرجة انها تضرب امثلة الدروس على نفسها وعلينا بس اختباراتها كوويسه واغلبها من الكتاب وعشر درجات برزنتيشن الكل عطته كامل وتدف تدف تدف تدف تساعد بشكل مب طبيعي والله امتتع محاضره بالنسبه لي محاضرتها احببها واتمنى تمسك اكثر من مقرر الله يسعدها يارررب

درست معاها مواد كثير وللأمانة تحتاجون تركزون معاها بالمحاااااضرة لما تشرح ركزوا باللي هي تشرحه تجيبه وإذا قالت إنه شيء مهم %100 بتجيبه سواءاً بالميدا أو الفاينل ما تطلب واجبات كثير وضروري تعطي كويزين ع الأقل اختباراتها مو تعجيزية أسئلة واضحة وسهلة وترا طيبة ومرة تراعي ظروف البنات

للامانه تشرح وتتكلم كثير بس تقرأ اكثر من تشرح وتخلي البنات يشرحون ويسون عرض على كل الكتاب وهي تشرح بعدهم وللامانه شرحها ابدا مب مفهوم تخلط الشرح بسالفه وهذا الشىء صعب علي فهم المعلومه الاختبار جدا جدا صعب بسبب انها تاخذ من نفس تمرينات الكتاب والكتاب حق اكسفورد اكثر من مستوانا يعني نكون فاهمين القاعده بس بسبب نسخها لتمارين الكتاب استصعب علينا حل الاختبار وطيح كثير من درجاتنا وبرضوا ماتحل معنا بنفس المحاضره عشان نعرف مستوى الكتاب ونتدرب عليه ، الاسلوب مزاجيه وكل شوي معصبه ماحبيت ابدا

جربت معها قواعد٣ وكانت زي المويه المادة بطبعها جيده وتفاءلت بهالمادة بس اعوذ بالله سواء ذاكرت ولا لا مايفرق المادة بطبعها صعبه وهي صعبتها زيادة اختباراتها قمة بالسوء وتحفير بالمادة لو اني متخصصه بالمجال ماعرفت والمشكله انها مارسبتني بس لا رسبت كم وحده معي بالشعبه مو معقول مجموع اعمال السنه كان حول الاربعين يعتبر جيد لمادة زي هذي بس ماتساهلت والفاينل ملغم ملغم شي مو طبيعي الله يعين الي بياخذ الماده معها

ما رح اقول شرحها سيئ لأنها ما تشرح الا ماندر، تترجم لك النص فقط وتهدد بصعوبة الاختبارات وعدم تساهلها برصد الدرجات، واختباراتها فوق مستوى شرحها. وتحملنا مسؤولية اخطاء الدفع الي قبلنا. خسفت بدرجاتي بشكل برغم كثرة مشاركتي، اشرح عنها نص الدرس وما تتعاون معي قد تعاونها مع البنات الي مايعطونها وجه، وتعطيهم درجات مرتفعة ما شاء الله الله يبارك لهم برزقهم، ولكن الظلم شين يعني عالاقل ابي حقي. واتمنى تجربتكم معها تكون كويسة لكن عن نفسي ظلمتني جدًا.