ممتاز شرحها وتجتهد بتوصيل المعلومه لك بأفضل شكل ادعوا تصحح لكم اختباراتكم هي لان تصحيحها 👌🏻

خييييييااااالللللل اتعب اتعب وانا اقول خيال تهبل مرره عسلل شرح حلو وتحاول قد ماتقدر توصل المعلومه واللي بيركز معه بيفهم مره واختباراته عسلللل وتصحيحه عسلللل كل شي عسل ومتعاونه مرره مع الطالبات وتاخذ وتعطي وتسولف مره توسع الصدر

وش أقول وا أخلي جواهر أفضل دكتوره مرت علي أخلاق وتعاون وشرح ودرجات واختبارات كل شي يجنننننننن تهبل أخذت معها 3 مقررات ولو اقدر آخذ مستقبلا مستحيل أفكر بغيرها الله يسعدها سهلت لنا الماده وتشرح من قلب وتسهل المعلومه وتبسطها وتراعي جداً بالتصحيح وتدفك دف ، باختصار إذا طلعت لك لا تتعدينها نصيحه ،للحين ادعي لها الله يسعدها ويوفقها

اتعب وأنا أقول عسل كنت اسمع المدح عليها بس ماصارت لي فرصه اخذ معه إلا هالترم ماشاءالله تبارك الرحمن كامله والكامل الله هو شرح هو أسلوب هو تصحيح الله يسعده يارب ويوفقه وين ماراحت مابتندمون لو بتأخذون معه من جميع النواحي هي الأفضل ولا قصور بالباقي ، الشرح تفهمك مره والأسلوب عسل وتدور مصلحتنا بكل شي والتصحيح الافضل دايما✨.

تجنننن الدكتوره مافيه مثلها بالماث ابد 🤍

عسل عسل عسل لو اقدر اخذ معها كل المواد باخذ بدون اي تردد!!!! مره قمر بعد ماشاءالله جمال وشرح وتعاون واسلوب ماعرف عن اختباراتها ماكنت معها بالتدريب لكن تصحيحها ممتاززز مااتوقع احد مايرضى فيه

دكتورة جواهر تفوق الوصف موقفي معها ماأنساه وبدعي لها دائما دخلت عليها ضايق صدري وخايفه بسبب ظرف صحي واختباري قرب وانا ضايعه بسبب الغيابات كل الدكتورات قالوا لي وش نسوي لك انسحبي الا هي وقفت معي وواستني وكنت اروح لها بساعاتها المكتبية تشرح لي كل شيء وترد على ايميلاتي بكل وقت وكانت تشجعني وتقول بدعي لك وانتي قدها وذكية وبتجتازين اجتزززت الحممدلله 😭😭 صدق انها جوهرة نادرة وكل الشعبة يحبونها مره ويطرونها بالخير 🩷🩷🩷

الدكتوره مررررره عسل من احلى الدكتورات اللي درسوني تشرح بكل حب وكويزاتها مره سهله وكانت متعاونه مره معنا بالتحضيري لدرجة غيرت وقت المحاضره وخلتها بيوم الاوف حقها بس عشان الوقت يناسبنا مره كتكوته

شرحها حلو وتعاملها عسسسلل تشجعنا وحريصه علينا مخلصه قوه ماجربت اختباراتها بس يمدحونها

افضل دكتورة رياضيات بتاريخ الجامعة متعاونة وتشرح من قلب وحليلة و اختباراتها من اروع ما يكون الله يسعدها يارب ويسهل عليها مثل ماسهلت علينا