اول مره انزل عندها شرحها كويس ولازم تركزون معاها وتكونون قدام، لا جلستوا ورا بيجيكم النوم وصراحة من ناحية التصحيح اشوف نوعا ما متعاونة وتمشي + اسلوبها عادي وهادية جدا وبالنسبة للكويزات ابدا مب صعبة نفس افكار اللي تحلهم بالمحاضرات والملف المحلول اللي ترسله للفصول ولو طلعت لي مره ثانيه باخذ معها كويسة👍🏻

شرحه يبي له بنت تقعد قدام وتركز معها وتسألها عن كل نقطه حركات وراء مارح تفهمين شي لانها هاديه وشرحها يشبه الكلام بس تفهمينه لازم تكتبين الملاحظات معه يساعد بالدراسه عطتنا اول كويز صعب شوي مو مره واصرينا عليها نبي بونس عطتنا نص الله يعافيه قصرت بالتصحيح تعطيك حقك مره مره ماتزود اذا بتزود بونس لازم الكل تزوده عموما شرحه يبي لك تعرفين نظامه وبشكل عام اخذ معه ثانيه لو عطوني وجهه الشؤون

الدكتورة لازم تركزين معها عشان تفهمين وشرحها مليان افكار اذا عرفتيهم بتجيبين A+ ماعمرها قصرت بولا فكره كل شيء تعلمنا اياه وتعطينا كل القوانين اللي ممكن تسهل علينا وتصحيحها اشوفه اروع شيء انا جربت دكتوره ثانيه ورندا اتوقع افضل شيء بقسم الاحصاء لحقين الغياب ماتغيب ولا تعتذر الا نادرا وتحفظ البنات حتى لو ما تتكلم وماتحب التاخير مع انها حبوبه ما تسجل تاخير الا اذا رفعتوا ضغطها وبشكل عام أنصح أنصح أنصح اذا تبين قريد زين الدكتوره فنانه وبخصوص الكويزات ذاكري زين مو اي كلام وبتجيبين فل

شرحها ممتاز

شديده بالتصحيح وتعطيك حقك والكويزات متوسطه الصعوبه

الصراحه شرحها عادي واقل من عادي مره مو واو وهي ماكانت المنسقه اخذتها عساس هي المنسقه وبلشت وماتغيب ولا محاضره + كل الترم نشحذ بونص اخر شي عطتنا نص ايه نص درجه+ كويزاته متوسطه مايله للصعوبه مره قليل الي ياخذون فل

شفت كثير مدح على شرحها و الصراحه ماشفت هالشي اجهاد نفسي جهاد عشان اقدر اركز معها محاضراتهااا تجيببب النوممم و الشرح كانها تسولف مافهمت عليها صراحه الكويزات متوسطه يعني يبيلك تذاكرين زيننن عشان تحلينها بالنسبه للتصحيح اشوفها متعاونه فيه

الشرح ممتاز والكويزات به صعوبه بس مرات تمشي بالتصيح

افضل دكتورة احصاء الصدق انا اخذت معها ثلاث مواد احصاء تحضيري واحصاء 124 واحصاء 235 ولو تمسك مواد زيادة باخذ معها بدون تفكير ، الدكتورة عسل وشرحها حلو وكويزاتها على مستوى شرحها لو تركزين معها تحلين بسهوله وايضًا بوقت الشرح تكتب قوانين زيادة على ورقة القوانين لو جاء تريك بالميد او الفاينل تقدرين تحلينه منهم، ومتعاونه جدًا وتصحيحها جميل تراعي وتزيد على درجتك، غير انها ترد على الايميل دايم وتشرح لك لو ماوضح لك شيء الله يسعدها❤️

شرح مب ذاك الزود مدري على وشو كل هالمدح عادي جدا جدا اختباراته متوسطه