أسوء دكتور مر علي م قد حظر المحاضرات واختبارات صعبه واذا فيه محاضرة م يشرح يسولف معنا ولا يبيك تجيه مكتبة واذا جيته فشلك عند الطلاب وسوى سالفة ومواعدني اني انجح وحملني المادة م اقول إلا حسبي الله ونعم الوكيل فيه الله لا يوفقه

نصيحة لكل طالب حريص على معدله ويبي A+، لا تنزل مادة مفاهيم إدارة الأعمال عند مبارك الدوسري. أنا طالع بـ D وعموم موادي امتياز. الدكتور طول الترم ما حضر إلا محاضرتين بس والباقي كنسلة والمحاضرتين كانت مجرد ورقة نكتب كلمات ومعانيها بدون شرح. طول الفصل ما أخذنا كوزات وكل ما سألناه يسلك لنا ويقول 'أبشروا بالخير' والوضع سهلات، وما شفنا شيء. قبل الميد بأسبوع عطانا سلايدات صعبة ومليانة كلام بدون شرح وتورطنا وانخسفنا كلنا. ياليتني نزلت عند الشريف ولا عنده، إذا تهمك درجاتك انحش عنه وحسبي الله ونعم الوكيل.

الدكتور متعدي مرحلة المرجله ماقصر معنا من بداية الترم وعطانا بونص الله يجزاه خير لاكن اذا انت طالب يهمك الشرح اكثر من البونص الشرح موب ذاك الزود لانك بتقفل السلايدات بترجع تنسى الشرح

معطيني D المهم انه على حسب روقانه ف الترم ذا الترم فصل علينا

ان حصلت لك نزل عنده ولاتسال

ممتاز والتعامل جيد بس اذا يعرفك لك معامله خاصه

الله يسعده ويوفقه دكتور طيب جدا

الله يوفقه وين ماراح

أفضل دكتور ، الله يسعده وين ماكان السلبيه الوحيده واجاباته كثيره طويله ولكن غيرها كل شي ممتاز مايقصر معك ابدًا وحتى المحاضرات مايأخذه كلها ويلغي ونهاية الترم مايقصر معك ابدًا ، ولاتنسون والدته من دعواتكم الله يرحمها ويغفرلها🙏🏻

دكتور لو نتكلم عنه شخصياً ف والله انه دكتور ونعم ومن اطيب الدكاتره اللي درست عندهم بس لو نجي في الدراسه ف ما خذيت عنده ولا محاضره ك دارسه لأنه كان مشغول ووضح لنا هذا الشيء وفوق هذا صبر معنا وما قصر معنا والله رغم انه في كم طالب كان سيء مع الدكتور الا انه ما قصر معنا ف الله يجزاه خير ويوفقه ويرزقه من فضله(الدكتور كان بينقلنا لدكتور ثاني لكن شعبتنا اصرت ان الدكتور مبارك يكمل وبيض الله وجهه استمر معنا وتعاون والحين قاموا يقولون مبارك ما شرح مبارك ما سوا لكن بنظري والله انه ما قصر ، الله يجزاه خير).