درست عند أستاذة رؤى الترم الأول ورجعت درست عندها الترم الثاني ، الأستاذة قمة متردده بأني أكتب عنها التقييم خوفي ما أعطيها حقها ، متعاونه جدًا وجميل شرحها تحاول توصل لك المعلومة بشكل بسيط ومفهوم ، وحريصه كل الحرص أننا نطلع من المحاضرة متعلمين شيء وفاهمينه بعد ،وتقيمنا نهاية المحاضرة من درجتين كل طالبتين مع بعض ، وتساعدنا خلال التقييم بعد وتشرح لك لو سألتيها ، عسل مره من كل النواحي ولو فيه مادة تنزل عندها غير البرمجة نزلتها بدون تردد ، الله يسعدها ويوفقها ويسهل لها مثل ما سهلت علينا وييسر أمرها ❤️

دكتوره رؤى سمعت عنها كلام في التليقرام سابقًا انها شديده لكن ماشفت هالشيء نهائيًا في تعاملي معاها الله يسعدها شرحها جميل مره يعني لو مافهمتي مره بالنظري تساعدك تفهمين اكثر في العملي وفي التقييم ماراح تنقصك علطول لا لك حرفيًا إلى نهايه المحاضره وماهي شديده بالتصحيح ومافيه إشكاليه انك تسألينها وقت التقييم وكمان تخلينا نقيم طالبتين مع بعض عاد ما أعرف إذا هالشيء بس هالترم او لا ع العموم ماراح تندمون معاها بإذن الله (تجربه شخصيه ورأي شخصي)

متفهمه مره وشرحها مختصر وواضح

10/10 عسووله شرحها حلوو وتوصل لك الدرس بدون فلسفه زايده اخلاقها حلووه وتمشي باللابات مره تقريبًا الكل اخذ كامل عندها تصحيحها للفاينل لاب كان حلو متعاونه ومتفهمه وترد على الايميل

دكتوره جدا رائعه اذا شفتو اسمها نزلو عندها تضمنون انكم منتب مراكمين الماده عليكم ، متعاونه جدا على انها كانت عندي بلاب الا انه اذا جيتها افهم النظري والاب من كثر ماءشاءالله شرحها زين الله يبارك لها تحسونها اساسا كنها طالبه حاسه بنفس شعورنا الله يسعدها ويسخر لها

الأفضلل في كل شيء ما شاء الله اذا شفتو اسمها نزلوا عندها بدون تردد

مرررره عسللل و مشت لنا كثير من اللابات و الواجبات و حتى الفاينل العملي تمشي الأغلاط البسيطه و تحاول قدر الإمكان تخلي كل البنات يجيبون اعلى درجه ممكنه نزلوا عندها و ماراح تندمون

إذا شفتوا لها شعب نزلوا عندها بدون تفكيير ، أفضل دكتورة تشرح برمجة عملي متفاهمة ومراعية جدًا وتصحيحها خيالي شرحها واضح وتفهم مرره وبطريقة موجزه

من أفضل الاساتذةة الله يوفقها ونشوفها دكتورره لاتتردون بالتزيل عندها خيالييييه شرح ممتاز ودرجات تجنن وتساعد اذا شفتوها بالاختبار يعني تشرح لك مو تغششك

عسلللللل تهبل مرررره قبل كل لاب تراجع معنا المفاهيم الأساسية اللي بناخذها في الاب والأشياء المهمه حتى لو مافهمتوا في محاضرة النظري بتفهمون في محاضرتها متعاونه مرره في تصحيح الفاينل لاب