افضل دكتوره ❤️❤️

عسل الله يسعدهاااا ويوفقها احلى وأيسر دكتوره

اكثر اكثر شيء اقدره فيها اني درست عندها ترمين كاملين وما اذكر يوم دخلت علينا معصبة او طلعت ضغوطها علينا دائمًا مبتسمة ومتعاونة وراقية في تعاملها وشرحها مايختلف عليه اثنين باختصاااااررر دكتوره عائشة من الدكاترة النادرين اللي يجمعون بين (العلم والأخلاق) يشهد الله اني ادعي لها دائمًا وكل الشكر لها على كل ما قدمته لنا

هذي الدكتوره والله اني احبها في الله افضل دكتوره ولو اكتب من اليوم الى بكرة ما اوفيها حقها متعاونة جدا وخلوقة ومحترمة شرحها رائع جدًا بكل ما تعنيه الكلمة كويزاتها و واجباتها رائعه وتفيدك مو مجرد واجب الله يوفقها وين ماراحت ويكثر من امثالها ويجعل اثنين ربوها في جنات النعيم

افضل دكتورة بالكلية من جميع النواحي متعاونه وتساعد و تشرح شرح مافي افضل منه و محترمه و تتعامل بااخلاق وماقد شفنا منها مزاجيه او همجيه بالاسلوب ك بعض الدكتورات .. الله يوفقها ويسعدها ويكثر من امثالها

من أجمل وأفضل الدكاترة الي مروا علي بحياتي متعاوووونة جداً معنا وتساعدنا وشرحها معاد يحتاج ترجعين للكتاب لان بتفهمينه ويرسخ بعقلك من قوة شرحها وممتعة محاضرتها جدددداً لدرجة الي مايبي يفهم بيفهم غصب من قوة المتعة والشرح الله يسعدها دنيا وآخرة وييسرلها كل امور حياتها على قد ما يسرت لنا واكثر وحتى بالواجبات تساعدنا في مدة الإتاحة ماتضغطنا أبدا اتمنى انها تتثبت ومن مصلحتنا كطلاب كلية الحقوق انها تتثبت لان إفادتنا في شرحها وتيسر كل شي الله يسعدها وين ماكانت حتى الاسلوب والاحترام قمة فيه 🤍🤍🤍

من افضل الدكتورات الصراحه شرح واسلوب وتعامل تعطيك حقك وتساعد بالواجبات مستحيل تطلعون من مادتها وانتم مو مستفيدين

صعب صعب صعب أحصرها بكلمات إنسانه حنونه ولطيفة وصبوره وملهمه مارح يمر على القانون احد يشبهها اببببداً حببتني بمواد القانون جداً لدرجة إني ما أتغيب عن محاضراتها علشان ما أفوت شرحها تبارك الرحمن حتى بالمحاضرات تتقبل الاسئلة وتتجاوب واللي مافهمت ترجع تشرح لها بالاختبارات والمراقبه عسل وبالواجبات ماتهلك الطالبات الله يسعدها سعادة الدارين ويرزقها ماتتمنى لو لتخصصنا حسنة رح تكون هي بلا منازع عسلللل حيل ❤️❤️❤️

من بين الدكاترة دورت لدكتوره عائشه على وجه الخصوص عشان أنصفها والله من أفضل دكاترة القانون اللي مروا علي متفهمه لأبعد درجة ومتعاونة ووالله ما تطلع من الكلاس والا وهي مأكده على المعلومات وشارحه التفاصيل بدقة بخصوص الاختبارات ما اعتقد قد نسقت اختبار لكن في التصحيح تعطيك حقك بالضبط لا زيادة ولا نقصان انسانة راقية جزاها الله عنا خير الجزززاااءء.

نزلت عندها مادتين من اروع الاساتذه شرح وفهم تتعب علشان توصل المعلومه بذمه وضمير وتحاول ان الكل يفهم المقرر وخارج المقرر متعاونه جدااا و الي يركز معها بالمحاضره مايحتاج يذاكر لهدرجه وحقانيه بالتصحبح ولا الومها شخص يتعب عليك طول الترم من حقه ما يعطيك درجه ما تستحقها والله يوفقها