IAS 121 - Term 201 (online) - التحضير: بالسيريال نمبر بداية المحاضرة ويبغاك ترد عليه بالاسم - الشرح: بصراحة سيء ويسترسل كثير ويخرج عن مواضيع الدرس لكن اعتقد اغلب مدرسين القسم كذا لكن هو بزيادة شوي. - الكويزات: مستواها بالنسبه لي متوسطة الى سهل كان قليل الي ينقص عن 3/5 . * ملأحظات: - الدكتور محترم جدا طالما انك محترمه اسلوبه ممتاز ودائم يضحك. اذكر اعطاني بونص فرق معي قريد. الدكتور جيد ولكنه مو الاحسن اذا تبي تضمن قريد بأقل مجهود نزل عند غيره. تبليـغ + إقتباس رد

IAS 121 - Term 203 - التحضير: بمجرد الكلاس يبدأ، يفتح الكشف بحيث يكون ظاهر للجميع، ويمر على اسم كل طالب بالماوس والطالب يذكر اسمه ومايبغاك تقول حاضر او موجود فقط اسمك، شخصياً ما اشوفه متشدد ولا متساهل بالتحضير من ناحية الخصم. - الشرح: سيء ، لايعتمد عليه وفعلاً بعد التحضير يذكر ابيات شعريه ولكن حاول تركز معاه لان بعض الاحيان يسأل عن اعراب كلمة معينة بالشعر وتجي بالكويز. - الكويزات: مستواها بالنسبه لي متوسط، وهي عبارة عن 3 كويزات كل واحد فيها عليه 5 درجات. * ملأحظات: - حاول تخلي الدكتور خيارك الأخير في حال ماقدرت تروح عند دكتور افضل منه. - بعض الاشياء الي ممكن تكون كويسه فيه: يأجل موعد تسليم البرزنتيشن، وبالمشاركة بعض الطلاب ماشاركوا عنده طول الترم واعطاهم فل بالمشاركة، واخر كويز ماحضرت الكلاس فيه وخلاني اختبر مع الشعبة الي بعدي. - فيه سلبية وهي انه بعد إختبار الميدتيرم، أرسل لنا درجات الطلاب بقروب الواتساب وبالكلاس الي بعده طلب مننا لما يجي الاسم حقك تقول درجتك بالمد واسمك قدام الطلاب (ويسويها حتى مع الكويزات) . - مو دقيق في نقل درجات الطلاب الى الكشف، أكثر من واحد جاب فل بالمد والدكتور حطهم بالكشف عنده على انهم جايبين 23 من 25 مع انه بالملف الي ارسله لنا بالواتساب محطوط انه جايبين فل لكن عنده خطا بنقل الدرجة. وايضاً طلب مننا نسوي عمل إضافي، وفيه طلاب سلموا العمل وبالكلاس يروح يسالهم: سلمت العمل ولا لا؟ وكان بيحطني ماسلمت مع انه بالملف الي يرسله بالواتس محطوط مسلمين لكن الدكتور مايدقق بالكشف. - بالسكشن حقي يوجد 4 طلاب من اصل 24 طالب (6 عملوا دروب) جابوا A+ عنده حسب الملف الي ارسله لنا.

IAS 121 - Term 203 (online) التحضير: اول دقيقه على طول ينادي الارقام وترد عليه بأسمك كامل , ويدقق جدا بالتحضير يعني كل غياب عليه خصم 1% وتاخير 0.5% للأسف . طريقة الشرح: يبدأ الكلاس ببيت شعر وبعدها يشرح بطريقه نوعا ما ممله , يوقف بالسلايد يجيب اشياء مالها علاقه بالشرح الكويزات: أختبرنا ثلاث اختبارات , كل وحده منهم 5% اختيار متعدد على مايكروسوفت فورم المياجر: كومن الفاينلات: كومن القريد النهائي: B+ الصوت: واضح إضافات: الدكتور نوعا ما جاد بزياده , ومانصحكم تنزلون عنده .

IAS 301 - Term 201 (online) التحضير: بداية المحاضرة ينادي بالأرقام والطالب يرد باسمه وبعد ما يخلص كل الطلاب يرجع يمر على الطلاب الغائبين حق يتأكد من التحضير. طريقته تاخذ وقت من المحاضرة طريقة الشرح: طريقة شرح عادية، يستخدم شرائح باوربوينت. أحيانا يلقي علينا أشعار أو يروي قصص في أول عشر دقائق من الحصة كنوع من الترفيه عن النفس الكويزات: اختبرنا اختبارين على الأول 5% والثاني 10% MCQ واملأ الفراغ. الأسئلة مشابهة لأسئلة الاختبارات القديمة المياجر: كومن الفاينلات: كومن القريد النهائي: A الصوت: واضح إضافات: كان يؤجل مواعيد تسليم الأعمال والمشاريع مراعاة للطلاب إذا طلبوا منه ذلك. نهاية الترم طلب عمل إضافي (اختياري) عليه درجتين من الclasswork.

IAS 121-201 (تعليم عن بعد - كورونا) أتوقع هذي أول مرة للدكتور يدرس فرشمن والله أعلم. التحضير:ينادي بالأسماء بداية المحاضرة،وللأمانة طريقته هذي تأخذ وقت كثير من المحاضرة بدون فايدة،يعني ممكن تدخل المحاضرة بعد ماتبدأ بكم دقيقة وباقي ماوصل لأسمك. الشرح:عادي ومافيه شيء مميز (كأي محاضرة من محاضرات التعليم عن بعد المملة). الكويزات: حلوة ومو صعبة،بس المشكلة إن عددها أشوفه قليل وهو 3 كويزات،وهذا الشيء غير جيد بسبب إن الكويز الواحد عليه درجات كثيرة،وللأمانة ما أدري هل هو الوحيد بين الدكاترة اللي كويزاته شوي زي كذا ولا فيه غيره. القريد النهائي: B or B+ إضافات: - نهاية الترم الدكتور عطانا واجب اختياري عليه درجة أو درجتين. - الدكتور ماقصر معنا أكثر من مرة…كان عندنا تسليم عرض البوربوينت للمجموعات ويمكن أجله لنا مرتين أو ثلاث مرات،وحتى الكويز لو أتفقتوا تقولون للدكتور يأجله لكم كم يوم في الغالب راح يوافق. - تعامل الدكتور بشكل عام كويس بس فيه مرات قليلة مدري ليش يفصل. - بصراحة أول مانزلت عنده كنت مو متطمن منه، بس طلع أفضل من التوقعات ولله الحمد،يعني لو انحديت عليه مافيه مشكلة تسجل عنده. - أنصحك إنك تسجل معاه ملاحظات وهو يشرح عشان إذا جيت تذاكر بعدين يكون لك مثل الملخص.

Term-201(Online)-IAS-301 التحضير : يوميا واذا كنت متأخر يخصم نصف درجة + ماعنده ميك اب طريقة الشرح : اول عشر دقايق يحضر + يلقي ابيات شعرية او قصة قصيرة الكويزات : عطانا كويزين عن طريق نماذج قوقل وكانت صعبة نسبيا (تحتاج مذاكرة وتركيز كانه كويز ماث) المياجر: كومن الفاينلات : كومن القريد النهائي: الدكتور الله يهدية مصعب الماده كثير وطلاباته كثيره وما تخلص+ ما عنده بونص (غالبا هذا بسبب توجه القسم الجديد)، باختصار خليه آخر اختيار او اجل الماده وخذ اسلامي بدالها، لان معاه صعب تاخذ A+ الصوت: واظح إضافات : انا طلعت ب (A+) لكن بذلت مجهود كبير وفقط ثلاثه من السكشن اخذا A+

Term192-IAS301 طريقته في الشرح يقسم المحاضرة إلى ثلاثة أجزاء من بعد التحضير :- ١- من ١٠ دقائق إلى ربع ساعة يقرأ أشعار ومقتطفات من كتابه موسيقى الشعر العربي ٢- يبدأ الشرح ٣- آخر خمس دقائق أسئلة عامة الدكتور طلباته كثيرة جداً. وهي كالاتي:- ١- تختار أي كتاب وتسوي عنه برزنتيشن. طبعاً الكتاب مو شرط يكون في موضوع أدبي. أنا عرضت كتاب حقائق الإسلام لعباس العقاد وموضوعه بعيد عن الأدب وغيري عرض كتب في التنمية البشرية. ٢- في كلاس راح يكن في مكتبة الجامعة ويعطيك رسالة ماجستير أو أطروحة دكتوراه وتكتب عنها وعن المؤلف وتلخيص بسيط عنها. تخيل الرسالة مكتوبة باللغة الإنجليزية والمادة عربي !! والرسائل هذه لها علاقة باللغة العربية لكنها مكتوبة بالإنجليزي مثل كتابي كان عن نظام آلي للتحليِل الإعرابي للجملة العربية. ٣- يقسمكم مجموعات هدفها تلخيص كتابين + شرح احد المهارات الي في المنهج وتقديمها. طبعاً الكتب هذه هو يختارها، واحد منها دسم والثاني خفيف. طبعاً هذه الطلبات قبل تعليق الدراسة بسبب كورونا وتحويلها عن بعد -والظاهر كان راح يطلب منا بحث حق البونص- وكانت طلباته كالآتي:- ٤- عرض وكتابة ملخص لخمس كتب وتنزلها PDF في مجوعة راح يسويها في الفيس بوك ٥- تختار أي كتاب ويكون أدبي وتقرأ منه نص نثري ٦- قراءة نص شعري ما يهتم الدكتور بجودة العمل بقدر اهتمامه بالتسليم في الموعد وكل تأخير راح ينقص من الدرجات. في الختام ، لا تنزل عند هذا الدكتور إلا إذا كنت مضطر في طلاب كثير نقصهم درجات على قراءة النصوص والعرض. على الرغم إني خذيت عنده فل مارك في الأنشطة إلا إني ما أنصح فيه بتاتاً

المادة العربي الثالث في ترم الصيفي 193 كان عن بعد طبعا بسبب كورونا. التحضير يكون من بداية الحصة ويخصم درجة على الغياب ونص درجة على التأخير المادة سهلة وغير متعبة مع الدكتور يطلب نشاطات بشكل اسبوعي ولكنها سهلة وغير متعبه وغالب الطلاب ياخذون الدرجة كاملة على شغلهم. للشخص اللي عاجبته المادة راح يستفيد مع الدكتور لانه يعطي انشطة يستفيد منها يعني في بعض المواضيع. الشخص اللي بيغى قريد حلو اخر الترم بس اللي عليه يسلم كل شي في وقته ولا يغيب وتضمن A. لو فيه احد من اخوياي بينزل المادة راح انصحه ياخذ مع هذا الدكتور.

اخذته عربي ١٠٣ صيف ١٩٣- اونلاين- الدكتور اعتبره اسوأ دكتور درست معه فمسيرتي الاكاديمية. لعدة أسباب: 1- الدكتور يجبر الطلاب يرفعون كتب بي دي اف لقناته بالفيسبوك ولو ماوجدت الكتاب بالانترنت يقول صور بنفسك النسخة الورقية وارفعه وهذي تعتبر سرقة ولو اننا بجامعة غربية تصير فضيحة. 2- الدكتور اسلوبه بالتقييم كان مزاجي وغير موضوعي وتعمد ان كل الطلاب مايستحقون الابقريد! يعني لو جبت ٨٩ مثلاَ يروح ينقصك بالحضور درجة عشان تكون ٨٨!!! واذا اعترضت عليه يقول هذي درجات المشاركة بالكلاس وليس الحضور فقط. 3- المحاضرة مضيعة للوقت… يعني عادي جداً تروح محاضرة كامله وهو يطابق الدرجات على الاسماء وفوق هذا مايعطي بونص عموما الدكتور ظالم ولا انصح بالتسجيل معه ابداً والله حسيبه يكرفك طول السمستر وتقول بيجيني A+ وتنصدم بالقريد المزاجي!

IAS301 - 192 التحضير: كل كلاس ينادي بالاسماء, يسمح بالميكاب في أي سكشن الشرح: بداية كل كلاس 10 دقايق يقرا لك قصايد وأشياء حلوة يقول عشان تزيد من ثقافتك ثم يشرح سلايداته. الكوزات : لا يوجد الواجبات : مدري اذا المادة هذي فيها متطلبات كثير أو بس عنده ولكن أشياء كثير سويناها تلخيص كتاب مع مجموعة ,تلخيص كتاب فردي , زيارة مكتبة و… إضافات : الدكتور لطيف ومثقف وكلاسة ممتع صراحة , وكل سالفة تجي يجيب لك عليها قصص وأبيات وكذا أهم شي عنده انك تسلم العمل في وقته