دكتور أسطوري إذا نزلت لك المادة عنده بترتاح الترم كامل ماعنده كويزات والواجبات مايهتم تسلمها او لا يقول اهم شي عندي تحل وتفهم ما بتحس بالمادة الا قبل الميد والفاينل واصلا شرحه ممتاز اذا ركزت معاه ما تحتاج الا يومين حل وتدريب قبل الاختبار يحفظ الجميع وتحضيره ينادي بالاسماء مره بداية الكلاس مره اخر الكلاس بس عادي يحضرك اذا دخلت متاخر ويسمح بالميكب كلاس طول الترم

(CE203 Term 201 (Online التحضير : ماكان يسأل عن الحضور ولا ينادي بالاسماء ولكن اعتقد انه كان يحضر عن طريق النظر بالاسماء في البرنامج وممكن انه ماكان يحضر طريقة الشرح : يعطي مقدمة سريعة عن الدرس ويكون محضر له كم مثال متعلق بالدرس ويبدا يشرح عليه ويعدل عالسوال هو ويغير المطلوب في السوال بحيث يوضح جميع المفاهيم في الدرس الكويزات : الكويزات كانت سهلة جدا المياجر: كومن, كان اهوا الي يحطها كانت سهلة و بسيطة الفاينلات : كومن القريد النهائي: ++A الصوت: واضح و غير ممل في الشرح إضافات : الدكتور اسطورة بما تعنيه الكلمة ماشاء الله عليه شرح واخلاق وكان متساعد ومتساهل جدا مع الطلاب. الدكتور ما يحب اللي يحضر ويقعد متفرج فقط كان يخلي الكل يشارك معه. الدكتور نوتاته ماكنت مفيدة يعني كانت مجرد امثله هو كان يشرح عليها واغلبها كانت عبارة عن صور وهو يحط السوال بنفسه.

Guest: Ce203- 192 افضل دكتور يدرس المادة واتوقع اصلا اغلب الكلاس فاهمين معه الدكتور يحب الطلاب يتفاعلون معه ويحفظ اساميهم بسرعه اذا كنت تشارك معه اشوف انك تطلع من الكلاس وانت جاهز للميجر بس الصراحه بعد ماصارت ازمة كورونا الوضع تغير شوي الكلاس شوي لخبطه الدكتور ماهو متمكن مره من التقنيه والكلاسات عن بعد مستواها سيء برايي بس بالاوضاع الطبيعيه اشوفه افضل خيار ممكن كلامك يكون صحيح في 192 بس في 201 الدكتور رجع اسطوري مثل قبل. (لكن الا الحين شرحه مو مرتب) لكن اذا ركزت معه الكونسبت راح يكون في جيبك.

CE 203 - term 182 التحضير : بشكل يومي طريقة الشرح : يكون محضر سؤال سؤالين للدرس يغطي المفاهيم بصورة واضحة و انت تكتب وراه بعدها يحط السؤال بدون حل و مافي سلايدات. كان شرحه غير مرتب يرسم على اليمين و يروح يسار و فجأة يمين لكن مع التركيز يفهمك الكونسبت. الكويزات : سهلة جدا مع شرحه و ماكان يتحدى الطالب المياجر: كومن, كان اهوا الي يحطها كانت سهلة و بسيطة الفاينلات : كومن القريد النهائي: A الصوت: واضح و غير ممل في الشرح إضافات : الدكتور ممتاز من جميع النواحي لاكن اتمنى يرتب له نوتات, لاتضيعه.

Ce203- 192 افضل دكتور يدرس المادة واتوقع اصلا اغلب الكلاس فاهمين معه الدكتور يحب الطلاب يتفاعلون معه ويحفظ اساميهم بسرعه اذا كنت تشارك معه اشوف انك تطلع من الكلاس وانت جاهز للميجر بس الصراحه بعد ماصارت ازمة كورونا الوضع تغير شوي الكلاس شوي لخبطه الدكتور ماهو متمكن مره من التقنيه والكلاسات عن بعد مستواها سيء برايي بس بالاوضاع الطبيعيه اشوفه افضل خيار

CE203-191 أسطورة الأساطير افضل دكتور مر علي في حياتي. الصوت : وااااااضح عربي وانجليزي الشرح : الدكتور بروفيسور، والشرح كوكتيل من كل شي. بحكم خبرته يدخل المعلومة في رأسك بشكل عجيب، يعني يخليك انت تفكر ويجيب كل احتمالات السؤال وبكل طريقة يشرح لك. الكوزات : الجميع فل، يعني ورقه ويحل لك السؤال على السبورة وانت تنقل وتكتب اسمك بس 2:. يعني يكون الكوز جزء من الشرح يعني بس انت تكتب في الورقة. التحضير : بالسيريال نمبر للجميع. التصحيح : كل دكتور في الديبارتمنيت يحط سؤال ويصححه، لذلك ما بيصحح لك اي شي. إضافات : اذا انت فنان وكذا بيعرف اسمك ويناديك باسمك طوال الترم وكذا ويحرص عليك أكثر انك تفهم وتشارك، وإذا انت من حالك في شانك تجلس ورا على جوالك أيضا ما بيقول لك شي ولا يسأل ويحشرك ولا شي. يعني جيد في كل الحالات.

CE 203 - 162 باختصار الدكتور من أفضل دكاترة القسم , واذا تقدر تنزل نزل عنده وانت مغممض! يشرح بذمة وضمير ويوصل المعلومة بشكل خيالي , حتى كان ف كل شابتر يقولك عاللي تركز عليه والاسئلة اللي ممكن تجي … تعامله واخلاقه تفتح نفسك للكلاس دائماً مبتسم ماشاء الله عليه , ويجاوب على اسئلة الطلاب حتى لو كانت تافهه او سهلة … الكويزات كانت كلها تيك هوم وتقريباً واجباته اسبوعياً , وهذا شيء كويس لأنه مايخليك تسحب عالمادة. التقييم : A+ الله يوفقه ويسعده

Ce 203---term 151 التحضير : اخر الكلااااس ويحفظ الاسماء من اول اسبووع طريقة الشرح : طرييقة جبااارة يبسط الكونسبت ويبدا من الصفرر… يركز بشكل كبييير جدا على الكونسبت وطريقة التعامل مع السؤال. الكويزات : اختبرنا 2 سهلة جدا المياجر: كومون الفاينلات : كومون القريد النهائي: +ِِa بالرااااااااحة الصوت: وااااضحة جداا إضافات: الكلاس وورك 15 : 5 حضوووور ( 3 غيابات فررري) 5 مشاااركة (هديية للجميع) 5 كويزات ( 3 هدية للجميع + 1 كويز + 1 كويز) الدكتووور اخلااااق ويهتم في فهم الطلاب ويتجاااوب مع الاسئلة انصصصصح فيييه

151 - CE203 He’s the best of the best good luck guys

ce203-term123 مدرس كويس جدا بالشرح وممكن يكون افضل مدرس بيمر عليك من الناحيه هذي…واخلاقه عاليه جدا ما شاء الله… عنده مشكله بناحية التصحيح. شديد جدا وما يتسامح ابدا…