اسطوري خرافي خيالي من أفضل الدكاترة اللي درست عندهم متعاون ومتفهم جدًا جدًا، تصحيحه من أفضل ما يكون يحاول يعطيك حقك وزيادة تحضيره بالباركود نهاية الكلاس ويحضر اي شخص يدخل الكلاس في اي وقت شرحه ممتاز ويرحب بالأسئلة سواءً في الكلاس او التيمز او الاوفس اورز، كثييير رحت له المكتب وساعدني

ME 423 - Term 232 التحضير: يفتح الQR code نهاية المحاضرة ومايدقق على المتأخرين. الغياب والحضور ماعليه درجات بس الدي ان يكون بعد التاسع حسب السيلابس (ما أدري إذا الدكتور يعطي دي ان من جد ولا لا). الشرح: إذا ودك تفهم خلك قاعد قدام وركز معاه لأن لهجته هندية ويبي له تركيز شوي، الشرح لا بأس فيه وأصلا المادة مب معقدة. الكويزات: الكويزات كلها كونسبشوال MCQ على البلاكبورد، عطانا 6 كويزات وحذف الأسوأ (عليها 15% فلا تضيعها). إضافات: - الدكتور يحط وزن جدا عالي على الواجبات فلازم تنتبه عشان ماينخسف قريدك بسبب الواجبات (عليها 25%). يعطيكم 6 واجبات ويحذف الأسوأ. - أعطانا الميد والفاينل كله رتن مع شوية كونسبت مقالي…الأسئلة غالبا ماتطلع من السلايدات والواجب. - المادة ستاندرد وإذا كان باقي لك 0.5 درجة أو أقل على القريد الي بعده يعطيك اب قريد. القريد النهائي: A

Me204 - T211 التحضير: في بداية الترم ما كان يحضر ويفكر في طريقة للتحضير بعدين خلاها ورقة تمر على الطلاب طريقة الشرح: يشرح من السلايدات ويعقب على كل سلايدة. بالنسبة لي شوي ما ارتحت لشرحه لأنه يتكلم بسرعة واللهجة لازم تتعود عليها، واذا تعودت على سرعته واللهجة بيكون شرحه مفهوم وواضح. أفضل شيء في سلايدات الدكتور الاسئلة اللي فيها أغلبها تكون في مستوى المياجر ويشرحها الدكتور في الكلاس خطوة خطوة. الكويزات: الدكتور عنده نظام Pop quizzes و Quizzes عادية، البوب كويز كانوا خمسة وعليهم 2% وكانوا عن طريق البلاكبورد ولك محاولات لا نهائية بس في خمس دقايق وسهل جدا تجيب فل مارك فيهم حتى لو ما ذاكرت. الكويزات العادية اخذنا تقريبًا خمس كويزات وكانوا MCQ و رتن وكلهم سهلة جدًا. المياجر: كومن الفاينلات: كومن القريد النهائي: A+++ بدون منازع وبالنسبة لي اشوفه افضل دكتور يدرس الثيرمو إضافات : الدكتور متساهل فالتصحيح بشكل خيالي لدرجة افرج المياجر يوصل حدود 73% وللأسف انها بتأدي لارتفاع القريدات لرينج تحت الستاندرد بشوي. اتوقع في سمسترنا كانت الـ A+ من 92-93، فأحرص انك ما تضيع المياجر وتتساهل فيهم. الدكتور متعاون بشكل خيالي لو بغيته في أي شيء بيساعدك.

ME 204 - Term 202 التحضير : يحضر عن طريق تيمز ما ينادي بالاسماء ولا شي طريقة الشرح : يفتح سلايداته ويبدا يمشي سلايده سلايده ويشرح ، سلايداته حلوه وفيها اقزامبلز وكونسبت واشوفها الافضل ، شرحه بنظري ممتاز بس البعض كان يعاني من سرعته بالكلام ، الدكتور يحب احيانا انكم تشاركون معه. ويبدا يسال اسئله لكن ما يحدد طالب معين يجاوب الكويزات : اخذنا اعتقد ٦ او ٥ كوزات وحذف لنا اسوء واحد ، كوزاته ٩٠٪؜ منها كونسبت وجدا تافهه اذا كنت قاري السلايدات ، هديه بالعربي وعليها٨٪؜ عنده برضو pop-quiz عليه ٢٪؜ ، البوب كويز عباره عن كويز قصير بعد لكتشر معينه يكون توه شارحها ، يعني مثلا يقولكم الاسبوع هذابيكون فيه بوب كويز بعد واحد من الكلاسات المياجر: كان ميد هو كاتبه عباره عن ٥ اسئله ، بنظري اشوفه جدا سهل مقارنةً بباقي الدكاتره الفاينلات : هو كاتبه برضو ، كان جزئين الاول خيارات شامل الكتاب كامل الثاني كان رتن ٣ اسئله شامله التشابترات الي بعد الميد الرتن كان متوسط الصعوبه لكن الخيارات اشوفها صعبه صراحه ، ممكن كان يبي ينزل الافرج او شي القريد النهائي: A++++++++ ولو فيه اكثر عطيته الصوت: واضح ولكن كلامه سريع بالنسبه للبعض إضافات : الدكتور بدون مقارنه من افضل الدكاتره الي درسوني في الجامعه اذا ما كان الافضل ، ولا اعتقد بشوف مثله ، ولو فيه كورس ثاني يدرسه راح اسجل عنده وانا مغمض ومتطمن ، غير ان شرحه ممتاز واخلاق … الدكتور جدا جدا جدا مراعي لظروف الطالب ابدا ما عانينا معاه ولا عمره حسسنا بضغط زايد عن الحد ، يعتبر من الاقلّه الي ممكن تضحي بوقت الكلاس عشانه بخصوص توزيع القريدات ، كان اقرب للستاندرد ، الA كان من ٨٧ تقريبا والA+ حول ال٩٢ اعتقد والله اعلم افرج السكشنين كان ٧٣ و ٧٧ … مرتفع نسبيا

me 423 ترم 201 التحضير : التحضير كان عن طريق برنامج التيمز لكن م ادري ان كان ياخذه لاني غبت وتاخرت كثير لكن م تكلم طريقة الشرح : سلايدات ويشرح عليها … السلايدات تفهمها قراية والمادة عبارة عن ثيرمو وخرابيط قد اخذتها قبل الكويزات : سهلة اقرا السلايدات وبتجاوب …وبعض الاحيان يحط كويز مفاجئ من شرح نفس اليوم …تخلص حصة تختبر عليها كويز قصير المياجر: الميد والفاينل كلهم تقريبا نفس المسائل اللي في السلايدات اذا تعرف للثيرمو تحل ايزي بيزي القريد النهائي: الصوت: واضح إضافات : بداية الترم كانت المادة حقت نقنقة … لكن بعد المد جا البروجكت مع الهووموركات ويبي اسساي بعد كلها تتراكم فوق بعض وتصير مادة مقرفة واجباته عبارة عن مسائل ثيرمو ولا غيره لكن يدخل لك فيها اشياء من الواقع وتقعد تدور على معلومات في النت عشان تحلها يخليك تستخدم برامج غثيثة عشان هوومورك ولا بروجكت في عروض تقدمها … تسوي سلايدات وياخذ 5 او 6 كل كلاس يعني عندك تقريبا تسوي عروض باور بوينت 6 مرات للترم هو كويس لكن شغل مرة كثير بالنسبة للمادة ذي