الشرح ممتاز المحاضرة ياخذها كلها المد الاول سهل من الدكتور المد الثاني موحد المقرر مو صعب لكن يحتاج فهم من اول محاضرة لا تسكب وتقول بذاكر قبل المد مقرر مو قانون وتطبق لا يحتاج فهم بونص يقولون مايدف واحس انه دف شي بسيط عموما دكتور مخلص الله يكتب أجره

الشرح جيد المحاضرة طويلة نوعًا ما وشديد فالتحضير يجي متاخر بعض الاحيان ويحضر، تختبر ميد بداية الترم ما ينزل الدرجة الا قبل الحذف بربع ساعة مع المجموع والمادة صعبة شوي ومايدف ابد مافيه بونص والمشروع ركز عليه وانتبه يكون Ai لانه بيعطيك 0

الدكتور فهد لا يعلى عليه افضل دكتور محاسبة لا تدور غيره لكن مشكلته يتأخر بالدرجات و لا اظن انه يدف

الدكتور ميزته شرح ممتاز ويفهمك بس ياخذ المحاضره كامله ٣ ساعات و يجي متأخر بعض الاحيان ويقول اللي طلع بغيبه وهو متأخر ٤٠ دقيقه يعني المفروض نطلع عادي لكن يغيب وسواها اكثر من مره والاعتذار عن المحاضره يعتذر اذا بدت المحاضره يعني تضرب مشوار واخرتها يعتذر بعد ما تبدا المحاضره ب ١٠ دقايق وبخصوص التأخير الدكتور اول ما يدخل يحضر وبعدها اللي يجي بعده غياب لكن شرح الدكتور ممتاز جدا تفهم الماده وحتى وانت تراجع للميد تكون فاهم والمشروع امش على المتطلبات بتجيب فل مو تعجيزي والميد حقه سهل

الحقيقه ان الدكتور فهد بقمة الاحترام والتعامل الممتاز ويعطيك حقك ويده خفيفه بالتصحيح بس تراه شديد بالمشروع وهو من افضل دكاترة المحاسبة

شرحه رهيب و اسلوبه حلو مع الطلاب ، هذي الميزه الوحيده فقط ، شديد بالتصحيح ومستحيل يدفك وبالمشروع يدقق جدا جدا جدا

اسطوري بالشرح لاكن عنده سلبيه مايعطيك الدرجات الاقبل الحذف بيوم

دكتور فهد ونعم الرجل والله من ناحية شرح لايعلى عليه ويحب الي يشارك معه ، الميد الاول من عنده وسهل و الميد الثاني والفاينل من المنسق المشروع مايدقق فيه الا اذا كان AI واذا قفطك بيسفل فيك وانتبه ماتتعدى وقتك بالمشروع ، من افضل الدكاترة الله يجزاه خير

ً

الله يجزاه خير دكتور فهد ماقصر مع الكل أبدا من شرح او الفاينل الاول جدا سهل و أشياء واضحه اما الميد الثاني من المنسق يبله شغل شوي اما المشروع عطى الاغلب كامل و اتوقع دف الكل دكتور فهد من افضل دكاترة قسم المحاسبة .