افضل دكتوره

‎في البداية تعطي انطباع انها شديدة، اتوقع عشان تحسسنا بأهمية المادة، مع الوقت تكتشفين إن ألطف منها مافيه ، وشرحها شوية عليه كلمة خيال، ودي أمسكها واقول اشرحي لي باقي المواد، صدق تعرف كيف توصل المعلومة، أحسها جينيس، التعامل اخ يالتعامل تجنن، متفهمة للظروف، كنت خايفة انقص عن الA, وخبصت بالفاينل و ساعدتني الله يوفقها وين ما اتجهت ، محظوظين ياللي تدرسكم طحتوا بوحدة فوق للشرح الخيال تخاف الله فيكم

اسواء دكتورة

من افضل الدكتورات الي قد مرو علي درستني من سنه ونص تقريبا وللان ما نسيتها ،شرح تعاون اسلوب كل شي كويس فيها ، وواضح فاهمه الي تشرحه وتعرف توصل المعلومه ، بعض المواضيع ماناسبني شرحها نفس الGUI فلجأت شوي لمصادر خارجيه ، يمكن بس فيه سلبيه وحده انها ما كانت ماترد كثير ايميل اذا طلعت لكم انتم محظوظين جدا جدا جدا

اول محاضرة عرفت انها دكتورة غير. اسلوبها مرتب وشرحها مرة واضح، وتعرف تمسك المعلومة من جذورها وتبنيها خطوة خطوة بدون تعقيد. تعاملها راقي. ما احتجت خصوصي ولا حتى ملخصات، لانها تغطي كل شيء وتخلينا نطلع من القاعة واحنا فاهمين تمام. بصراحة من افضل الدكاترة اللي مرّوا علي.

الله يسعدها صراحه صدمتنا بالفاينل مره سوت لنا اب قريد كلننااا وجبنا قريدات مره حلوه الدكتوره عسل مره ومتفهمه واذا طلبتو تكنسل تكنسل عادي والمشروع خلت البرزنتيشن اونلاين عشان الاجواء كانت صعبه نداوم فيها وعطتنا كلنا فل مارك عسل عسل تدف مره وتصحيحها حلو مره

كنت محظوظة انها درستني جافا ٢ و داتابيس، أحب شرحها تعطي المختصر المفيد و توصل المعلومة بطريقة ذكية. ماحتجت خصوصي لا هذيك المرة ولاهالمرة. شخصيتها لطييييفة ذوووق جدا سهلة التعامل الله يسهل لها كل أمورها، التصحيح يجنن ماتظلمك أبد، يارب أصير محظوظة أكثر و تعطيني مقررات ثانية

محاضره الدكتوره مره ممتعه ومو ممله ، بس مشكلتها يوم تشرح لنا اول كود بمسيرتنا الجامعية كانت تشرح كاننا فاهمين وصراحه ماستفدت وتوهقت بالاختبار ، أحسها تمشي بالتصحيح بس مو كثير يعني وافكر انزل عندها ماده ثانيه ❤️

تستاهل كللل المدح ياحظكم لو درستكم

الله يوفقها و يرزقها من واسع أبوابه فعلا تساعد غير الشرح و الاخلاق اللي يفتحون النفس