اذا نزل لك اسجد لله شكر هذا افضل دكتور انجليزي يمكن يسهل عليك المنهج ويعطيك قريد عالي طبعًا هذا ما يعني انك ترمي الكتاب وتسحب على المذاكرة لكن اجتهد معاه وما بتشوف الا مساعدة ترضيك

الدكتور أخ قبل أن يكون أستاذًا قريب من طلابه، متفهم لما يمرون به، ومتعاون معهم. محاضراته ممتعة جدًا، ورغم أنها في آخر الدوام إلا أننا لا نشعر بتعبها بسبب أسلوبه الجميل وخفة ظله كان مقدرًا لضيق وقتنا خاصة في أعمال السنة،وهذا يدل على نُبله وحرصه على مصلحة الطلاب إذا نزل لك اسمه احمد ربك فقد وقعت مع رجل بمعنى الكلمة. نسأل الله أن يجزاه عنا خير الجزاء ويكثر من أمثاله، فهو مثال للهيّن الليّن السهل، كما قال ﷺ (…أَوْ بِمَنْ تَحْرُمُ عَلَيْهِ النَّارُ؟ عَلَى كُلِّ قَرِيبٍ، هَيِّنٍ، لَيِّنٍ، سَهْلٍ)

الدكتور للامانه كشخص الله يجزاه خير ويسعده محترم وما قصر معنا بالنسبة للاختبار النهائي كان شوي صعب ورغم مذاكرتي للكتاب الا ان بعض الأسئلة ما عرفت احلها ، يعني ما معك لغة درجتك بتكون أقل من اللي معه لغه مهما ذاكرت وتدربت لأن فيه اشياء من خارج المنهج بالنسبة لتوزيع الدرجات ودرجات الاعمال ال٦٠ ما كانت واضحه بالنسبة لنا المحاضرة جميله لكنه ياخذ كل الوقت، أحيانًا الموضوع يكون مزعج اذا عندك ميدات وودك تذاكر تمنيت انه بالتصحيح تكون يده اخف خصوصًا ان المادة تقريبًا مالها فايدة

الصراحه انا كنت مب مره بالماده مركز ولكن المشكله الوحيده بالدكتور الا وهي الضبابيه يعني ماكنا ندري وش نسوي وكذا الا على اخر الترم مع حشرة المواد الاخرى ماهو استنقاص بالماده ولكن لو فيه خطة الدكتور بس يحددها زي يعطينا مشروع او انه اختبارات ويقيمنا عليها او اي شي ولكن تكون خطه واضحه يكون شي اسطوري من الدكتور وانا اشهد انه خفف علينا هالترم ولكن المشكله الفاينل جبت العيد شوي انا الدكتور توب التوب وانصحكم تنزلون عنده

افضل دكتور درسني للان ياخذ المحاضرة كاملة غالبا لكنها ممتعه جدا و يعرف يسولف

الله يوفقه ويسعده تفكيره وعقله وشخصيته اكبر من الجامعه ماشاء الله, الله ييسر له ويسعده دائما وابدا

الافضل

اخذت F لانه ضلمني بالاختبار وسحب الورقه يحسبني غاش وانا ماغشيت

دكتور متميز في أسلوبه وتعامله يشرح المادة بطريقة واضحة وسلسة ويحرص على إيصال المعلومة للطلاب بكل أريحية يتميز بالاحترام والمرونة في التعامل مع الطلاب ورغم أن المادة كانت تُقدَّم عن بُعد إلا أن مستوى الاستفادة كان مماثلًا للحضور الفعلي بفضل الله ثم مهنيته وحرصه على تقديم المحتوى بأفضل صورة نشكره على جهوده ونتمنى له دوام التوفيق

دكتور يفهمك الماده ، ياخذ ويعطي معك بكل اريحيه، اذا نزل لك اسمه اسجد شكر لله.