صراحه تهبل بس مشكلتها محاضرتها ممله مره مره وأمثلتها كويسه بس تطولها وأنسى الفكره الاساسيه غير كذا أسطوريه تساعد وماتدقق كثير

الدكتوره جدًا متعاونه بالدرجات وقبل اي اختبار تسوي مراجعه وما شفت منها الا كل الخير لكن يضايقني انها جدًا تطول بالمحاضره والماده دسمه اساسًا وهي تعطي كم كبير من المعلومات بمحاضره وحده لدرجة مخي وده ينفجر بعد كانت تجيبنا للميدات والكويز قبل المحاضره عشان تختبرنا وتاخذ المحاضره كامله يعني انا اكيد ما رح استقبل معلومات زياده… مره كان استنزاف طاقه الله يهديها

هالدكتورة مكسب عظيم وجوهرة في القسم، ويا حظ من تنزل المادة عندها ! محاضرتها كنت أستمتع فيها من قلب وأفهم معها كويس لدرجة ما أحتاج أراجع بالبيت . تعاملها راقي ومتعاونة ومتفهمة لأبعد حد وما أنسى فضلها قبل الفاينل خصصت لنا من وقتها عشان تراجع معنا المادة وتضمن دخولنا الاختبار واحنا فاهمين وضامنين الدرجات الله يكتب أجرها، ويبارك في علمها، وجعل كل حرف علمتنا إياه في ميزان حسناتها، ورزقها الله من واسع فضله وفتح لها أبواب توفيقه ورضاه ، نزلوا عندها وأنتم مغمضين 🤍

الافضل وتساعد وتدف بشكل مرعب الله يسعدها وين ما كانت

جدا مخلصه في عملها تبارك الرحمن الدكتوره عسل تأخذ الوقت كله لكن تفهم والمحاضره إذا ركزتي ممتعه جدا تدف بالدرجات مستوى الاسئله حقتها يعتبر سهل متعاونه جدا جدا

صراحه دكتوره راااائعه الله يسعدها مثل ماسهلت علينا المنهج وشرحها يكفي عن كل شي وجدًا جدًا متفهمه تحط مصلحة الطالبه قبل كل شي

ياسعد الي بتدرسه، اخلاق وشرح وتعاون واختباراتها نفس شرحها بالضبط تذاكرين تجيبين درجات، الله يسعد قلبها ويسخر لها سوت لنا مراجعه للفاينل قعدت حول ٤ ساعات! الله يجازيها بالاحسان احسان

اكثر محاضره كنت استمتتتتتعععع من قلب وافهم كويس لدرجه ماكنت احتاج اراجع بالبيت من كثر ماانها تثبت المعلومه براسي ماشاءالله، الله يسهل عليها حياتها زي ماسهلت الماده علي ياررببب وييسر امرها

التقيييم الف من عشره صراحه لو تشرح ماده ثانيه بنزل عندها الدكتوره متعااونه جداً والصدق حببتني بالمااده مره وتشرح بكل ذمه وضمير واذا تعارض عندكم اختبار تتفهكم وتاجل اختبارها وتسوي مراجعة قبل اختباراتها وتعطي بونس ويهمها الحضووور مره ومحترمه الدكتوره وانصحكم تنزلون عندها

أروع دكتوره حرفيا تشرح من قلب تحب تخصصها مررره وحببتني فيه وتاخذ كل الوقت أنا ماشوف انه سلبيه لأني استمتع معها وبسردها ودايم مبتسمه حتى وهي واضح عليها التعب وبخصوص التعامل اهم شي عندها الاحتراااام ومره ماتقصر تفتح حصص اونلاين مراجعه قبل كل اختبار وكانّها تشرح كل شي أخذناه من جديد وبخصوص الدرجات صراحه مره مره دفتني ومتساهله بالتصحيح خصوصا المقالي والتأخير ماتنقص فيه بس تقول لاتعيدينها وزي كذا و التعامل معها جدا جدا مرن انتي اطلبي بس وهي بتقول ابشري حرفيا ماتقصر ابد لو تدرس ماده ثانيه أكيد بنزلها