اولا شفت كم تعليق ظالمهاا كثير من البدددايه اذا انتي ما تحبين الدكتوره تاخذ وقت المحاضره كامل لا تنزلين عندها ريحي مخك ثاني شي والله انها ما قصرت معنا عطتنا بونسين بوقت الكويز او الميد الاول ناسيه والاكيد الميد الثاني عطتنا برضو وتشرح الماده بضمه وضمير بس مشكلتها ما تشوف الايميل فا الافضل تكلمينها بوقت الكلاس وتراها تحط اون لاين وبالنسبه احسها دفتني بالفاينل للعلم بالفاينل كانو كل الدكتورات معتمدين التصحيح الالي الا هي كانت تصحح اوراقنا بنفسها مره عسل والله ومتفهمه جدا اذا صارلك تعارض تتعاون

الدكتوره عسلللل شرحها مره حلو الماده دسمه مره بس الدكتوره تحاول قد ما تقدر تبسطها وتعيد وتزيد لين تثبت المعلومه و ما عطتنا واجبات بس مشروع واحد و متعاونه في التحضير

الله يعينك اذا تكرهين الكلام الزايد مو طبيعي كل محاضراتها ممله بشكل يجيب النوم والضيقه وكل الشعبه وجيههم تتقلب نهايتها من كثر ما الشرح ممل وتفصيلي صح تشرح كل شي وتفهمين بس الكلام الزايد شين الدكتوره تتأخر لو باقي عشر دقايق تجي وتحضر بعد وتنقص على الغياب حتى لو باقيلك ساعات وبالميدات ما تهتم تجي اخر نص ساعه وتوزع الاوراق ولا يهمها وقتنا وما تعطي خبر ما فيه اي طريقه تواصل تتنحش مننا تزيدكم درجات وقريد بعد بس ما تقول هذي حسنتها اذا انحديتوا عليها عادي بس فيه احسن والله يعين

ما ادري ليه البنات مايحبوها وليه يجيها سب صراحه متعاونه وشرحها من قلب صح تطول بس حلالل عليها ، تطول مره بالدرجات بس عشان تقدر تدف الله يسعدها كانت تخليني احضر بشعبه وانا شعبتي غير جدًا جدًا متعاونه

الصدق الدكتورة تستحق تقييم اعلى شرحها ولا غلطه ياتبارك الرحمن توصل المعلومه بشكل وتعطي امثله ماتنسينها الله يوفقها المشكلة مو منها من المادة دسمة بشكل مو طبيعي ومع ذلك تحاول تسهل علينا اختباراتها صراحه بالنسبه لي سهله لو مركزين معها وانصحكم تكتبون معها اثناء الشرح اعتقد عطت درجتين بونس الفاينل كان موحد والصراحة سهل لكن الصح وخطا شوي عانيت منه لكن بشكل عام زين للي دارس وفاهم، الدكتورة تاخذ الوقت كامل بالكلاس ،وتسوي مراجعات اونلاين مرا مهمه

أحس شوي مظلومة بالتقييم، خصوصا موضوع التعامل بسم الله عليها رااقية جدًا ومحترمة، بس مرة وحدة عصبت من البنات لانها جاية من المستشفى وتعطي وفيه بنات يتأففون):، تحاول توصل المعلومة وهي مبتسمة بس المشكلة بالمادة نفسها دسمة، اختباراتها وسط وتاخذ وقت المحاضرة كااامل، ودفتني صراحة كثير، شخصية كويسة ومريحة صراحة الله يسعدها ويوفقها

الدكتوره عسسل الصدق وكانت بالبدايه نفسيتها خيااال وتعطي منجد من قلب م عمري شفت دكتوره تشرح الماده من قلب كثرها وتفتح لنا محاضرات مراجعه قبل الكويز والميدات وعطت بونس في الميد وبونس ثاني ، بس سلبيتها انها حرفيا تاخذ الوقت ككاامل م توفر ولا دقييقه مستحيل مستحيل نطلع قبل الوقت ولو بدقيقه واذا جت تفتح مراجعه للاسف ترسل قبلها بوقت مرا ضيق ومستحيلل ترد عالايميل وكم مرا فصلت علينا ع نهايه الترم تقول لا احد يتأفأف ويسوي بوجهه تعابير الطفش ،البلا بالماده دسسمه وكثيره لكن الله يسعدها دفتت مرا بالفاينل

إيجابياتها شرحها رهيب مره تثبت المعلومه غصب وكانت تفتح لنا كلاس مراجعه بأيام الويكند ماتحدد الي بيجي طبعاً لا كانت تعيد الشرح بشكل مختصر وطمنتنا بكلامها بالبدايه تحب الي يشاركون وعطتنا تكليف واحد بس وكان فردي الموضوعي باختباراتها سهل التأخير حسب مزاجها مره تحسبه وعشر مرات لا وسوت لي قريد اب بدون ما اطلب ، السلبيات تحب المقالي وكان صعب وكانت متقلبة المزاج يعني مره تحبنا ومره تفصل علينا لان ملامحنا طفشانه وتاخذ وقت الكلاس كامل تحلله تحليل ومرات تاخذ زياده عليه وتنقص اذا اكثر من غيابين بدون عذر

كنت خايفهه اني اخذت عندها من كثر الكلام الي عليها الصراحه الدكتوره تهبل وتعطي بونس بالميد والتكليف حق الماده اعطتني كامل بالرغم ان عندي اخطاء كثيرهه وكانت تمدد الوقت حق التكليف اكثر من مره الله يسعدها وين ماراحت والصدق تشرح بالتفصيل الممل بس الماده اصلاً دسمه وهي تحاول تسوي الي عليها والفاينل جاني نموذج صعب وجبت للدكتوره منهج جديد ومع ذلك دفتني وربي كنت احسب رح احمل الماده

ما اعرف ليه تقييمها نازل وهي مفروض تاخذ 100 اعشقهااا تجنن وتحاول تساعدك من زمان ماخذه عندها قانون اعمال لكن كانت تدرس اكثر من شعبه واذا حسيت نفسي مو مستعده للاختبار تقول بختبرك مع الشعبه الثانيه عرفتوا الشخص اللي وده يسهل عليك ما عسره نهائيا حتى بالحضور تحسب الغياب لكن اذا غبت عن محاضرتها في شعبتي اقدر اعوض واداوم فيه شعبه ثانيه هي تدرسها ونهايه الكلاس تسجل حضوري وهالشي مرهق لها وباين عليها انو متشتته ويالله حوسه بس مع ذلك تحاول تعطي افضل ما عندها شرحها يجننن الدكتوره الوحيده اللي فهمت عليها