الدكتورة بشكل عام كويسة وتعطي الكل حقه ومتفهمة بصراحة بس مزاجية وهذا عيبها حتى الشرح احيانًا تشرح كويس وتوصل المعلومة واحيانًا لا، بس بالنسبة لدكاترة قسم الرياضيات ؟ هي تعتبر من الأفضل

المادة تحتاج جهد بس الدكتورة سهلتها ووضحتها مره

الدكتورة رنا من أكثر الدكاتره تنظيم و مساعدة و تحاول توصل المعلومة ،والصراحه ان المادة منطقية بحته ولا فيه مجال كثير للتعاون فيها و رغم كذا كانت تراعي في التصحيح و تحاول قد ما تقدر تحافظ على درجاتنا و دايم تذكرنا نسألها و انها موجودة لو فيه سؤال، و كل بداية درس تسوي لنا ملخص و تعطينا طريقه لوقت المذاكره عشان نفهم السلايد، و الصدق انها لطيفه جداً رغم ان ممكن البعض يشوفها شديده لكن حتى شدتها معقولة و في مصلحتنا

للاسف حملت عندها مادتين ماعجبني شرحها جدًا مو افضل خيار

المادة من البداية كانت صعبة وثقيلة لكن عرفت توصل كل المفاهيم متعاونة ورسمية وطيبة وبنفس الوقت شديدة وأسلوبها غريب، ما عرفت أوصفها، لكن شرحها صراحتا يستحق المدح وهي بذاتها تستاهله المدح

سجلت عندها من المدح وللأسف ندمت الشرح ما ينفهم وتستقعد كثير كثير بشكل اوفر وغير متعاونه ما ارجع اسجل معاها نهائي

مزاجيه صراحه وتستقعد للبعض وتشخصن وماتعرف تشرح مدري منها او من الماده ما ارجع اسجل عندها ابد مو قد المدح ابد!!!

من ناحيه الشرح الصدق الماده كانت صعبه و الدكتوره كانت تحاول توصل المعلومه قد ما تقدر يعني شرحها مرات تفهم و مرات لا متعاونه الصدق بالاختبارات ، من ناحيه التعاون بوقت الكلاسات كانت متعاونه الصدق

على قد ما المقرر صعب وثقيل كانت تحاول قد ما تقدر تبسط لنا بالشرح ودائمّا تستقبل الأستفسارات ودها الكل يفهم ومتعاونة الصدق تصحيحها بأعمال السنة كان كويس تعطيك حقك وتحاول تطلع لك الدرجة ودها فعلّا تطلعين بقريد كويس الله يسعدها

سجلت عند الدكتوره على مدح سابق لها بالتدريس وكانت هذه اول مره اخذ عندها مادة واخذت اسس الرياضيات، الدكتوره للامانه من ناحية الشرح نص ونص يعني ماكانت الافضل من ناحية الفهم وانا اعتقد انه بسبب صعوبة المادة، من ناحية التصحيح في الكويزات كان تصحيحها كويس للامانه خصوصا بالمقالي، من ناحية التعامل برضو نص ونص ولكن كانت دايما تقول اي سؤال انا موجودة معاكم لين الفاينل، وبرضو ب اخر كويز كان في سؤال بونص، اقيمها نص ونص ممكن ارجع اعطيها فرصه ثانيه بمادة ثانيه